Ұлттық Ақпараттық кампания «Бала еңбегін қанауға қарсы күрестің 12 күндігі» бойынша мектебімізде у.м.а директордың тәрбие ісі жөніндегі орынбасары және оның педагогикалық ұжымнан құралған көмекші топтары біршама іс – шаралар өткізді.

Бірлесіп құрылған жоспар бойынша 3 маусым күні мектеп жанындағы тәрбиеленуші балалардың арасында «Балалық шаққа «ИЯ» дейміз!» атты спорттық ойын іс шара өткізілді. Жалпы қамту – 27 бала.

4 маусымда орта буын оқушылармен мамандық таңдау жолдары туралы әңгіме жүргізілді. Әңгіме барысында бала еңбегі жайлы сұрақтарға жауап берді. Оқушыларға бала еңбектерінің ең нашар түрлері туралы видео көрсетілді. Көрермен болып отырған балалардың жүзінен тағдырдың әлкегіне түскен кішкентай балаларға аяушылық, бала еңбегін қанаған жауыз адамдарға жек көрушілікті аңғардық.  Жалпы қамту – 15 бала.

5, 10 және 12 маусым күндері у.м.а. директордың тәрбие ісі жөніндегі орынбасары Д. Сайрамбек және Михайловканың ПБ лейтенант полициясы С.С. Асылбековпен территория бойынша рейд өткізілді.  Рейд барысында ата – аналарға «Жаз қауіпсіздігі» туралы жадынамалар таратылды. Аталған жадынамаларда су қауіпсіздігі, өрт қауіпсіздігі, тоқ қауіпсіздігі, қоғамдық жерлерде өзін – өзі ұстау ережелері, бөтен адамдармен қарым – қатынас орнатпау жайлы және т.б. айтылған. Ата – аналарға жаз айларында бала өмірі мен қауіпсіздігіне өздері ғана жауапты екендігі тағы ескертілді. Қала маңындағы су қоймаларда қауіпсіздік сақтау және адам өлімін болдырмау туралы қалалық ББ жіберген хаты бойынша Қарағанды қ. ТЖ басқармасынан алынған ескертпелер рейд барысында жол бойында тұрған бағаналарға ілінді. Жалпы қамту – 37 үй. Ата – аналарға таратылға жадынамалар саны – 40. Бағаналарға ілінген ескертпелер саны – 12.

6 маусым күні Д. Сайрамбек педагогикалық ұжым арасында «Оқушының құқығы мен адамгершілігін қорғау» тақырыбында ақпараттық сағат өткізді. Басты мақсаты – мұғалімдердің құқықтық мәдениетін жоғарылату; бала еңбегінің ең нашар түрлерін болдырмайтын өмірлік дағдыларын қалыптастыру; күмән келтіретін жұмыс ұсыныстары жайлы кәмелетке толмаған балалардың жете түсінуі және т.б. Жалпы қамту – 10  адам.

7 маусым күні әлеуметтік педагог К.К. Шерьязданова мен тарих пән мұғалімі Е.З. Алмаханов 8 – 9 сынып оқушылары арасында кәсіби бағдар бойынша әңгіме құрылды.  Әңгіме тренинг түрінде өткізілген болатын. Оқушылардың кәсіп таңдауда өзін – өзі билеуді активтендіру, оқушылардың бойына өз – өзіне деген сенімді қалыптастыру және т.б. сұрақтар талқыланды. Жалпы қамту – 20 оқушы.

8 – ші күні мектеп жанындағы «Балауса» лагерінің «Күн» тобының тәрбиеленуші балалары «Өз құқығын білесің ба?» атты әңгіме және «Бақытты балалық шақ» тақырыбында суреттер жарысы өткізілді. Жалпы қамту – 12 бала.

9 маусымда «Балауса» және профильді лагерінің  балалары «Балалық шаққа «ИЯ» дейміз! – Бала еңбегіне «ЖОҚ» дейміз!» лозунг бойынша  балалар әндеріне флэшмоб биледі.  Жалпы қамту – 28 бала.

11 маусымда орта буын оқушылары арасында спорттық эстафета өткізілді. Эстафета соңы флэшмобпен аяқталды.

Осымен, ҰАК бойынша «Бала еңбегін қанауға қарсы күрестің 12 күндігі» өз дәрежесіне жетті. Аталған іс – шараларды ұйымдастырушылар өз мақсаттарына жетті.