Наурыз мерекесіне орай, №21 негізгі мектепте 2015 жылдың 18 наурызында бастауыш сынып оқушылары,  19 наурызында- орта сынып оқушылары іс-шаралар өткізді.  Әрбір сыныпқа  мерекені тойлайтын түркі тілдес халықтар  бөлініп берілген. Сонымен қатар, әр сынып өзіне берілген халық туралы ақпарат беріп өтіп, ұлттық киімін киіп,  бір концерттік бағдарлама дайындау керек болатын.  Осыған сәйкес, 1 «а» және 2 «а» сыныбы қазақ халқының өкілдері ретінде «Наурыз- думан» атты концерттік бағдарламаны көрсетті. Шараға қатысушы әжеден ақ бата алып, қазақтың салт- дәстүрлері бойынша мерекені тойлады. Ән-жыр айтқан оқушылар «Қамажай» мен «Қара жорға» биін нақышына келтіріп биледі.  1 «б» және 4 «б» сыныбы қырғыз,  2 «б» және 3 «б» тәжік халқының өкілдері ретінде Наурыз туралы тақпақ оқып,сол халықтың әндерін айтты. 3 «а» мен 4 «а» сыныбы өзбек халқының өкілдері ретінде қонақтарды өзбек тілінде құттықтау арқылы мерекені бастады. Наурыз туралы өлеңдер оқылып,  өзбек биі орындалды. Мерекелік шараның көркін қазақтың «сақина салу» мен «қол күрес» ойыны аша түсті. 5 «а»  сыныбы татар халқының өкілдері ретінде ұлттық би биледі. Украина халқының әнін орындау арқылы жан- жақты екендігін көрсетті. 5 «б» сыныбы  түрік халқының өкілі ретінде мерекелік шараны Түркия мемлекетінің әсем жерлерін таныстырудан бастады. Мың бұралған бишілер түрік биін орындап, сауда керуені келген сәттегі жаршылардың сөзі айтылды.  6 «а» сыныбы  ұйғыр халқының өкілі ретінде ұлттық әндер орындады. Тақырыпқа сай тақпақтар оқылып, құттықтаулар айтылды. 7 «а» сыныбы әзербайжан халқын театрландырылған көрініс арқылы  таныстырды.  Дөңгелек үстелге жайылған дастархан басындағы қазақтарға әже, ата, тазша бала, әзербайжан ұлтының өкілдері конаққа келді. Табалдырықты аттаған әже шашу шашты. «Көрісу» салты бойынша жұртпен амандасты. Бұл салттың ерекшелігін түсіндіріп өтті. Қонаққа келген ата балаларға бата берді. Құдайы қонақ болып келген тазша бала оқушыларға қырық өтірік әңгімесін айтып, елді күлдіріп, мерекелік көңіл- күй сыйлады. Үшінші көршісі ретінде келген әзірбайжан ұлтының өкілдері ұлттық ән айтып, қонақкәдесін берді. «орамал тастау» ойыны арқылы мерекелік шара қыза түсті. 7 «б» сыныбы грузин халқының өкілі ретінде грузин биін биледі. Тақпақтар  мен құттықтаулар айтылды. 8 «а» сыныбы башқұрт  халқының өкілін, 8 «грек халқын, 9 «а» сыныбы иран халқын, 9 «б» сыныбы парсы халқын таныстырды. Мерекелік көңіл- күйге байланысты концерттік бағдарламалар қойылды. Наурыз мейрамы әр сыныптың оқушылар ы бір- біріне қонаққа барып, құттықтап, төс қағыстырумен жалғасын тапты.