КММ «№21 НОМ» оқушылар арасында эссе жазу жұмыстары жүргізілді. Бұл жұмыс оқушылардың белсенді азаматтық ұстанымын, патриоттық сезімін, экологиялық санасын қалыптастыруға, сондай-ақ сыни ойлау, дәлелді сөйлеу және жазбаша өзін-өзі білдіру дағдыларын дамытуға бағытталған.

1–4-сынып оқушыларына арналған тақырып — «Таза Қазақстан». Бұл тақырып оқушылардың табиғатқа ұқыпты қарауын және экологиялық мәдениетін қалыптастыруға бағытталған.

5–9-сынып оқушыларына «Заң және тәртіп» тақырыбы ұсынылды. Бұл тақырыптың мақсаты — құқықтық тәртіптің маңыздылығын, заңдарды құрметтеуді және қоғамдағы тәртіпті сақтау ісіне әр адамның жеке үлесін түсіндіру. Эсселерде оқушылар заңның қоғам өміріндегі рөлі, оны сақтау мен бұзудың салдары, сондай-ақ қоғамдық тәртіпті нығайтуға өздері жасайтын әрекеттер туралы ой бөліседі.