№21 негізгі орта мектебінің 7-9 сыныптары арасында эссе байқауы өтті.Тақырыбы: «Заң және тәртіп». Оқушылар « Заң мен тәртіп сақталу үшін не істеу керек?» , «Заңды орындау қоғамның дамуына қалай әсер етеді?», « Сен қоғамдық тәртіпті орнатуға қандай үлес қоса аласың? » тақырыбында ой қозғады. Заң — мемлекеттің азаматтарының құқығы мен міндеттерін белгілейді. Ол барлық азаматтар үшін бірдей. Заңның басты мақсаты — қоғамдық қатынастарды реттеу, адамның құқықтарын қорғау және әділеттілікті орнату. Қоғамдық тәртіптің сақталуы адамдардың жауапкершілігін арттырады, оларды құқық бұзушылықтан сақтандырады. Тәртіпті сақтау үшін мемлекеттің құқық қорғау органдары — полиция, сот, прокуратура, ұлттық қауіпсіздік органдары — жұмыс істейді. Олар заңның орындалуын қадағалайды, құқық бұзушыларды анықтап, оларға заң алдында жауапкершілік жүктейді. Мысалы, заңсыздық орын алған елдерде қылмыс деңгейі жоғары болады. Сондықтан заңның қабылдануы мен оны орындау арасындағы үйлесім өте маңызды-деп қорытындылады.