7 мамырда Қазақстанда мемлекеттік мереке – Отан қорғаушылар күні аталып өтеді. Бұл күн Қазақстан Республикасының Қарулы Күштерінің құрылуына орай белгіленген. Патриоттық тәрбие беру мақсатында  «№21 НОМ» КММ-де осы маңызды оқиғаға арналған жалпы мектептік жиын мен тақырыптық сынып сағаттары өткізілді. Іс-шаралардың мақсаты – оқушылардың патриоттық сезімін, азаматтық жауапкершілігін, Отан қорғаушыларға және ұлттық армияның қалыптасу тарихына деген құрметін қалыптастыру. Сынып сағаттарында оқушылар мерекенің тарихымен танысып, әскери қызметшінің кәсібі туралы мағлұмат алды, әскери борыш пен патриоттық құндылықтардың маңыздылығы туралы пікір алмасты. Өткізілген іс-шаралар оқушылардың ұлттық сана-сезімін нығайтуға және қазақ халқының дәстүрлеріне деген құрметін арттыруға ықпал етті.