28.02.25 күні 7В сыныбында алгебра пәнінен ашық сабақ өтті.

Сабақта оқушылардың танымдық белсенділігін арттыру және білім сапасын көтеру мақсатында ақпараттық компьютерлік құралдар қолданылды. Танымдық әрекеттің келесі түрлері пайдаланылды: жеке жұмыс, топтық жұмыс және жұппен жұмыс, олар сабақ барысында бірін-бірі алмастырып отырды.
Сабақ оқу іс-әрекетіне мотивациядан басталды, оның мақсаты – оқушыларды жұмысқа бейімдеу және материалды қабылдауға дайындау.

Негізгі кезеңде оқушылардың практикалық жұмысы мен көрнекілік әдісі қолданылды. Сабақтың қорытынды кезеңінде оқушылар өздерінің оқу нәтижелерін бағалап, талдау жүргізді. Ал сабақтың рефлексиясы оқушыларға сабақта не үйренгендерін түсінуге және ұғынуға мүмкіндік берді.