Мектебімізде өткен жылды қорытындылау шеңберінде мектеп кітапханашыларының іс-тәжірибе алмасу семинары ұйымдастырылды. Бұл шара қалалық білім басқармасының кітапхана ісі бойынша әдістемелік жоспары аясында «Оқуға құштар баланы тәрбиелеудегі мектеп кітапханасының рөлі» тақырыбында өтті. Семинарға қала мектептерінің кітапханашылары, әдіскерлер, ұстаздар және оқушылар қатысты.
Семинар барысында мектеп кітапханасының оқушылардың оқу мәдениетін қалыптастырудағы, кітапқа деген қызығушылығын арттырудағы маңызы талқыланды. Қатысушылар кітап оқуды насихаттаудың заманауи әдістерімен, креативті жобалармен және инновациялық жұмыс түрлерімен бөлісті.
Семинар аясында мектептің кіре берісінде орналасқан «Ежелгі жазудың қалыптасуы» атты көрме таныстырылды. Көрмеде адамзат өркениетінің жазу мәдениетінің даму тарихына шолу жасалып, көне түркі жазбаларынан бастап, мысыр иероглифтері, шумер сына жазуы, қытай иероглифтері, кириллица мен латын графикасы сияқты әртүрлі жазу жүйелері туралы мәліметтер ұсынылды. Сондай-ақ, көрмеден ежелгі қолжазбалардың көшірмелері, көне кітаптар мен жазу құралдарының үлгілері орын алды. Қатысушылар көрме арқылы жазудың эволюциясымен танысып, әр дәуірдің өзіндік ерекшеліктерін зерделеді.
Семинар соңында қатысушылар өзара пікір алмасып, мектеп кітапханасының оқушылардың рухани дамуына қосатын үлесі туралы ойларын ортаға салды. Шара барысында кітап оқуды дамытуға бағытталған болашақтағы бірлескен жобалар талқыланып, тәжірибе алмасу жұмыстары жалғасатындығы атап өтілді.
Авторство:
«Оқуға құштар баланы тәрбиелеудегі мектеп кітапханасының рөлі»
