#КітапханағаКітапСыйла

#РуханиҚазына

#БіртұтасТәрбие

«Кітапханаға кітап сыйла» акциясы өз мәресіне жетті!

Мектебімізде «БІРТҰТАС ТӘРБИЕ» бағдарламасы аясында ұйымдастырылған «Кітапханаға кітап сыйла!» акциясы өз мәресіне жетті. Бұл игі бастама мектеп ұстаздары, ата-аналар, оқушылар және мектеп парламентінің белсенді қолдауымен жүзеге асты. Акция барысында мектеп кітапханасының қоры жаңа әрі құнды кітаптармен толықты.

Басты мақсатымыз – оқушыларды кітап оқуға баулу, білімге деген құштарлықтарын арттыру және рухани-адамгершілік тәрбиені нығайту болды. Іс-шараға қатысушылар көркем әдебиет, танымдық және ғылыми кітаптарды тарту етіп, өскелең ұрпақтың білім көкжиегін кеңейтуге үлес қосты.

 Мектеп парламенті бұл бастаманың аясын кеңейтіп, акция жайлы республикалық «Дружные ребята» балалар мен жасөспірімдер газетіне мақала жариялады. Бұл мақала арқылы мектебіміздегі игі істермен бөлісіп қана қоймай, басқа да білім ордаларын осындай бастамаларды қолға алуға шабыттандырдық.

Бұл акция – біздің бірлігіміз бен ортақ мақсатқа жұмылған ынтымағымыздың айқын көрінісі. Кітапханаға сыйға тартылған әрбір кітап – білімге құштар жандар үшін құнды қазына!

Барша қатысушыларға алғысымыз шексіз!