«Балауса» жазғы сауықтыру лагерінің тоғызыншы күні «Су патшасы күні». Күнімізді таңғы жаттығудан бастадық. «Бір-бірімізге күлкі сыйлайық» атты тренинг өтті. Балалар бір-біріне өз махаббаттарын, қарым-қатынастарын асфальтқа сурет салу арқылы жеткізді. Кіші топ балалары «№2 Музыка мектебіне» барып, музыка жайлы, мектеп өмірі жайлы мағлұмат алып келді. Тарихи-өлкетану мұражайындағы экзотикалық жәндіктер мен бауырымен жорғалаушылардың көрмесіне барып, олардың тіршілігі мен мекен ететін ортасы жайлы ақпарат алды. Н. Әбдіров атындағы спорт сарайына хауызға барып, шомылды. Балалар бүгінгі күнді пайдалы әрі қызықты өткізді. #balademalys2023