Бұл оқу тамақ болар қарны ашқанда, Жол табар қараңғыда адасқанда . Мал озбас біле білсең білім озар, Ақыры керек болар бір сасқанда – деп Міржақып ақын айтпақшы, тарыдай болып кіріп, ақыл ойлары толысып, оң мен солын танып жақсы мен жаманды айыра білуді үйренген шәкірттеріміздің ұйымдастыруымен өткізілген «Бастауышым- балбұлағым» тақырыбы бойынша 4 «А» сынып оқушылары бастауышпен қоштасу іс-шарасы болды. Бұл іс-шара білімнің сара жолы бастауыштан басталатынын , бастауышта алған білімнің негіз болып қаланатынына көз жеткізу, бастауыш сыныбымен, алғаш қолына қалам ұстатқан алғашқы ұстазымен қоштаса отырып, орта буында дәріс беретін ұстаздармен таныстыру,әр баланың ерекшелігін таныта отырып, сәт – сапар тілеу, білім берер ордасы- мектепті, ұстаздарын құрметтеп, білімге деген құштарлғын арттыру, өз Отанынының адал ұлы мен қызы болуға тәрбиелеу мақсатында ұйымдастырылды.