Мектеп кітапханасымен жылдар бойы мерекелік іс- шара өткізіп отыратын М.О.Әуезов атындағы орталықтандырылған кітапханалар жүйесі №27 филиалында  жыл сайын 1 желтоқсанда атап өтілетін Халықаралық ЖИТС-ке қарсы күрес күніне арналған «ЖИТС-тен қалай қорғануға болады» атты тақырыптық сабақ өтті.

Кітапханадағы кездесуге №1 емхананың салауатты өмір салтын ұстану бойынша дәрігері  Бектемірова Раиса Жастаубайқызы қатысты. Біздің мектептің 7 «б» сынып оқушылары іс- шара көрермені болды. 

Іс-шара модераторы тыңдаушыларға АИТВ-ның алдын алу бойынша ақпарат берді, ЖИТС пен АИТВ-ның айырмашылығын түсіндірді, АИТВ-инфекциясын жұқтыру жолдары, өзін-өзі қорғау туралы әңгімеледі. Оқушылар маманға қызықтырған сұрақтарын қойды, атап айтқанда: АИТВ-инфекциясын таратқаны үшін қылмыстық жауапкершілік бар ма?АИТВ жұқтырғандар балалы бола ала ма?Бұл балалар ауру туады ма, қанша өмір сүреді?

Іс-шараның мақсаты:салауатты өмір салтын насихаттау, жастардың өз өмірі мен қауіпсіздігі үшін жауапкершілік сезімін қалыптастыру, АИТВ/ЖИТС туралы ақпарат беру.