"№21 НОМ" КММ ұжымы "2022 — Балалар жылы" Республикалық "Оқуға құштар мектеп" жобасы аясында: "Ақ жүрегімнен ән арнадым" атты кездесу кешін ұйымдастырды. Кеш қонағы балалар жанын әнімен тербеген жерлес ақын, композитор халықаралық конкурстардың бірнеше мәрте жүлдегері Воробьева Ирина Анатольевна. Кездесу "Оқуға құштар мектеп" жобасын насихаттап, балалар ақынының шығармашылығынан мәнерлеп өлеңдер оқылып, сыңғырлата екі тілде әндері шырқалды. Кездесуге теле көпір арқылы Калининград, Қызылорда, Алматы, Қарқаралы қалалары тікелей байланысқа шығып, өздерінің жүрек жарды естеліктерімен бөлісіп, кеш қонағына шығармашылық табыс тіледі. Ирина Анатольевнаның тақпақтары мектеп программасына еніп, оқушылар мәнерлеп оқып, әндерін мәуелете айтуда. Кездесу кешіндегі әр оқушының өлеңдерін мәнеріне келтіре жатқа оқып, әндерін нақышына келтіріп айтқан балалардың бал—бұл жанған жүздерінен ертең менде ақын боламын, —деген құлшыныс көрдік. Балалар жылындағы балалар мерекесі әр қатысқан оқушы мен көрерменнің көңілінен шықты. Біздің мерекенің демеушілері "SUNRISE" құрылыс компаниясының директоры Ким Сергей Константиновичке және Ольга Владимировнаға мектеп ұжымы атынан үлкен ризашылығымызды білдіреміз. Балаларға бақытты сәт силаған сіздердің компанияның жұмыстарына сәттілік тілейміз.