Абай атындағы Қарағанды облыстық балалар кіапханасында «Қауырсын қалам» шығармашылық байқауы өтті. Байқаудың мақсаты: дарынды жас авторларды іздестіру және қолдау. Оқушылардың шығармашылық және зияткерлік мүмкіндіктерін дамыту. Байқауға қаланың жалпы білім беру мектептерінің оқушылары қатысты. Байқауға өзі шығарған шығармалар ғана қабылданды. Қатысушы жанрды өзі таңдайды: әңгіме немесе ертегі. "№21 негізгі орта мектептің" КММ оқушысы Абдиразақова Айша әңгіме жанрын таңдады. Ол өмірде болған қызықты оқиғалардан сюжет құрап, кейіпкерлерді анықтап, өзінің басынан өткендей етіп қарасөзбен әсерлі жазып шықты. Бұл әңгімеде адам өмірі, адам тағдыры суреттеледі. Оқушы осы байқауда ІІ дәрежелі диплом және он мың теңгенің сертификатын жеңіп алды.