Биыл кемеңгер жазушы, ғұлама ғалым, абайтану ғылымының асқан білгірі, қазақ руханиятының асқақ тұлғасы Мұхтар Әуезовтің «Абай жолы» роман-эпопеясының алғашқы кітабының жарық көргеніне – 80 жыл. «Абай жолы» әлемге әйгілі тарихи романдар топтамасының бірегейі, қазақ халқының төл әдебиетіндегі тұңғыш эпопеяның бірінші кітабы 1942 жылы жарыққа шықты. Роман-эпопеяның «Абай» атанған екі кітабына 1949 жылы КСРО Мемлекеттік сыйлығы берілсе, 1959 жылы тұтас төрт томына Лениндік сыйлық бұйырды. Қазақтың болмысын күллі әлемге «Абай жолы» романы арқылы танытқан жазушы Мұхтар Әуезовтің 125 жылдығы еліміздің әр өңірінде аталып өтіп жатыр,біздің мектептің кітапханасыда осы айтулы күнге « Оның өмірлік тақырыбы – Абай» атты танымды сағатын ұсынды. Кітапханашы мектептің 8 «»,9 «а» сынып оқушыларына танымды сағаттың кіріспесімен таныстырып «Абай жолы» роман – эпопеясын қаншалықты білетіндіктері туралы викториналық сұрақтарға жауап алды. Сонымен қатар арнайы осы іс – шараға дайындалған «АБАЙ ЖОЛЫ» атты сөзжұмбақты оқушылар қызығушылықпен шешті. « Оның өмірлік тақырыбы – Абай» атты тақырыптық көрмеге шолу жасалды. Тамыры жоқ ағаш, тарихы жоқ халық болмайды демекші оқушылар тамыры кең жайған шығарманың 192 кейіпкерін атап тамырлы ағашқа әр кейіпкердің атымен жіп байлады. Расында да суреткер қазақтың маңдайына біткен біртуар ұлы Абайды халқына сөз өнерімен сомдаған. Осындай алып дүниені жаза отырып Мұхтар Әуезов өзі де қазақ көгінде мәңгі өшпес жұлдызға айналды. Яғни, Мұхтар Әуезов – ғасырда бір туатын жазушы болса, «Абай жолы» - ғасырлық туынды, ғасырда бір туатын шығарма.