Халықтың бай ауыз әдебиетінің мол мұрасынан сусындап өскен Ілияс Жансүгіров қазақ әдебиетінде жарқын із қалдырған тума талант иесі. Өзінің «Қысқаша өмірбаянында»: «Оған шейін көрген, оқыған әдебиетімнің бәрін Абай кітбаы жоққа шығарғандай болды. Ойым ояна бастады» - деп Абай шығармашылығының қатты әсер еткені жайлы ойын бөліскен еді. Қазақтың ұлы ақынынан бағдар нәр алған Ілияс қаламынан «Құлагер» сынды кең тынысты кемел туынды дүниеге келеді. Осы кемел дүниеге биылғы жылы 85 жыл толып, жылдың мерейгер кітаптар тізіміне ілікті. Мектеп кітапханасы Ілияс Жансүгіровтың осы туындысына бейне баян ұсынады. Әйгілі «Құлагер» шығармасы қазақ әдебиетінің классикасына айналған поэма. Ілияс Жансүгіров «Құлагерді» ХІХ ғасырдың ақыны, күйші Ақан-Ақан сері Қорамсаұлына арнаған. Шығарма ақын өміріндегі драмалық эпизод – сүйікті тұлпарының өлімі туралы баяндайды. Поэма ұлттық әдебиеттегі ең трагедиялық шығармалардың біріне айналды. «Құлагер» поэмасы қазақ әдебиетінің алтын қорына заңды түрде енді.халық ешқашанда ұмытпақ емес.