«Бір ел – бір кітап» акциясы аясында көрнекті ағартушы, қоғам қайраткері, ғалым, қазақ тілінің негізін салушы Ахмет Байтұрсынұлының 150 жылдығына арналған «Елдің рухани көшбасшысы» атты әдеби портреті іс шарасы 28.09.2022 күні Қарағанды қалалық М.О.Әуезов атындағы кітапхананың №27 филиалымен бірге өтті. Кітапханаға біздің мектептің 8 «б» сынып оқушылары шақыртумен барды. Шараға шақырылған қонақ, А.Байтұрсынұлы шығармашылығын зерттеп жүрген оқырман профессор Р.Бейсетаев оқушыларға өз зерттеу жұмыстары туралы мағлұмат берді. Сонымен қатар кітапхана қызметкерлері Ұлтымыздың ұлы ұстазы туралы толық қанды ақпарат беріп соңында балалар сөзжұмбақ шешті. Әдеби портрет соңында арнайы «Ахмет Байтұрсынов-ұлт жанашыры» атты кітап көрмесіне әдеби шолу жасалды. Мақсаты: қоғам қайраткері, ғалым, ағартушы, қазақ әдебиетінің негізін салушы, ақын, жазушы, аудармашы Ахмет Байтұрсынұлының өмірі мен шығармашылығын насихаттау; патриоттық, азаматтық сезімдерін тәрбиелеу.