Мемлекет басшысы Қасым-Жомарт Тоқаев 2022 жылды "Балалар жылы" деп жариялаған болатын. 21 .09.2022 жылы мектебіміздің 1 «б» сынып оқушылары қалалық орталықтандырылған М.О.Әуезов атындағы №11 балалар кітапханасына экскурсия жасады. Балалар кітапханасы – ұрпақ мұрасы, кітапхана қызметкерлері жас оқырмандарды кітапханамен таныстырып, балаларға арналған кітаптармен жүздестірді. Баланы қалай кітаппен достастыруға болады? Қалайша кітапхананы білім алу мен қарым-қатынас орнына айналдыруға болады?,- деген сауалдарды қоя отыра жауаптар алынды. Сондай-ақ қызықты оқиғаларды баяндайтын әртүрлі бағыттағы кітаптардан тұратын «Әдеби сандық» өз оқырмандарына ерекше көңіл күй сыйлады. Оқушылар осы көрмені жыл көлемінде тамашалап, өздерін қызықтырған кітаптарын алып оқи алатынын түсінді. Жас оқырмандарға кітапханаға саяхат ұнағаны соншама, коворкинг орталығына ата – анасымен келуге шешім қабылдады.