Мақсаты: Кітапхананың тұрақты оқырмандарына, жас оқырмандарға ұлт ұстазы Ахмет Байтұрсынұлының өмірі мен шығармашылығынан мағлұмат беріп, балаларға арналған шығармаларын оқуға кеңес беру,қазақ халқының әлеуметтік, саяси, мәдени , тарихи өмірінде орны айрықша зор тұлға-Ахмет Байтұрсынұлының халықтық тәлім-тәрбиелік ойларының негізінде оқушылар бойына адамгершілік, ұлтжандылық, отансүйгіштік қасиеттерді дарыту; ақын, қоғам қайраткері, педагог-ұстаздың құнды мұраларын дәріптеп, жас ұрпақты ұлттық рухта тәрбиелеу.
Қарағанды қалалық орталықтандырылған М.О.Әуезов атындағы кітапханалар жүйесі КММ №27 кітапхана филиалында ақын, қоғам қайраткері , ұлт ұстазы Ахмет Байтұрсынұлының 150 жылдық мерей тойына арналған мектепшілік іс шара өткізілді. Шара тақырыбы: «Ұлттың рухани көшбасшысы – Ахмет Байтұрсынұлы».
Шараға арнайы мектептің 4 «в» сынып оқушылары сынып жетекшілері Бейсембаева Бахытгуль Кикбаевнамен қатысты. М.О.Әуезов атындағы кітапханалар жүйесі КММ №27 кітапхана филиалының қызметкерлері ұлт ұстазы Ахмет Байтұрсынұлының өмірі мен шығармашыялығына тоқталып, толық мағлұмат берді. Балалар кітапхана қызметкерлерінің сұрағына тыңғылықты жауап беріп, сынып жетекшісі ұлт ұстазы Ахмет Байтұрсынұлы туралы мәлімет бергені көрініп тұрды. Оқушылардың тыңдаған ойларын шыңдау барысында кітапханалық библиографиялық ойындар ойналып, викториналық сұрақтар қойылды. Арнайы дайындалған ұлт ұстазы туралы слайдты көріп, әр слайдқа жеке тоқталып, мәліметтер берілді. Өлмес Әліппе жазып халқының ұлт ұстазы аталған Ахмет Байтұрсын аталарының есімі жас ұрпақтың көкейінде мәңгілікке қалады.