Мектебізге осы орайда Ауған соғысының ардагерлерін шақырған едік. Қазыбек би аудандық ардагерлер кеңесінің төрағасы Байкенов Амангелді Мұратұлы, Туралыков Амантай Советұлы, Абенов Ертай Ибрагимұлы келіп, оқушылардың көкейлерінде жүрген сұрақтарына жауап берді.

     Кеңес дәуірі тарихының ең қаралы беттерінің бірі – Ауған соғысы. Отан алдындағы борышын адал атқарған әрі өз болашағына сенген жас ұрпақ саяси ойынның құрбанына айналды. Жүздеген жас жат елде жан тапсырып, мыңдаған қандасымыз оқ пен оттың ортасынан жарақатпен оралды. Баласын, бауырын, ағасын, інісін майданға шығарып салған отандастарымыздың да, қанды қырғынның ортасынан оралған сарбаздардың да жүрегінде Ауғанстан мәңгілік жара болып қалды.Сол сұрапыл соғысты көзімен көрген ауған соғысы ардагерлері, Халықтар достығы туралы баса айтты. «Себебі біздің еліміз көп ұлтты мемлекет, бір шаңырақтың астында баршамыз тату-тәтті тұрамыз . Ауған жерінде де бірлікті, ынтымақты, татулықты қолымызға ту еттік», деді. Өскелең ұрпаққа осындай ел берекесін, құтын қашыратын соғыстардың болмауын. Ананың ұлынан,бауырлардың бір-бірінен ажырамауын тіледі.

      Қазіргі ардагерлер, сол кездегі жауынгерлер қиын-қыстау кезеңде өз жеке бастарын ойламай, берілген тапсырманы бұлжытпай орындап, жаралы достарына көмек қолын соза білді. Отан алдындағы борыштарын адал атқарды. Амангелді Мұратұлы «Кеңестік жүйе дағдарысының айқын көрінісі – Ауғаныстан аумағына 1979 жылдың желтоқсанында Кеңес әскерлері шектеулі бөлігінің енгізілуі болды. Соғысқа 21979 қазақстандық қатысып, олардың 924-і қаза тапты, 1000-ы мүгедек болды, 22 –хабар – ошарсыз кетті» деді.

    Мектеп оқушылары келген қонақтардың құрметіне өз шығармашылықтарынан жырдан оқу оқып, патриоттық әндерді нақышына келтіріп орындады. Кеш соңында  мектеп әкімшілігі тарапынан директордың тәрбие ісі жөніндегі меңгерушісі Шаяхметова Мәрзия Тасболатқы және оқу ісі жөніндегі меңгерушісі Сарсембаева Гүлнар Онайбекқызы ауған соғысы ардагерлеріне, алтын уақыттарын бөліп келгендеріне алғыстарын білдіріп, отбастарына амандық, елімізге тыныштық  тіледі. Өсіп келе жатқан жаңа буын,оқушыларымыз үшін кездесу кеші есте қаларлықтай тартымды өтті.

Кешті ұйымдастырушы

Аға тәлімгер

Казиева Аңсаған Алпысбайқызы.