2019 жылғы 11 қараша мен  22 қараша аралығында  «Зорлық-зомбылықсыз балалық шақ» республикалық декадасы аясында метебімізде мектеп директоры бекітіп,директордың тәрбие ісі жөніндегі орынбасарының құрған жоспары бойынша бірқатар іс-шаралар өтті. Мектеп кітапханашысымен «Балалық шақ бақытты болуы тиіс» тақырыбына әдебиет көрмесі ұйымдастырылса, әлеуметтік педагогпен «Құқығым бар» тақырыбы бойынша стенд безендірілді,8-9 сынып оқушылары арасында қазақ тілі мен орыс тілі пәндері мұғалімдері «Әлемді зорлық – зомбылықсыз қалай құруға болады», «Как построить мир без насилия» тақырыптарында шағын шығарма жұмыстарын ұйымдастырды.Сынып жетекшілері аталған тақырыптар бойынша сынып сағаттарын өткізсе,3-4 сынып оқушылары «Біз бақытты балалық үшін!» флешмобын көрсетті,мектеп кортында дене тәрбиесі мұғалімдері 6-8 сынып оқушыларымен спорттық жарыстар ұйымдастырды.Мектеп инспекторы 8-9 сынып оқушыларымен «Жасөспірім және заң» тақырыбында әңгіме жүргізсе,мектеп психологы 7-сынып оқушыларымен «Реніш пен қорлықсыз балалар» тақырыбында тренинг өткізді.