20.09.2019 ж. Қайырымдылық акциясы аясында №21негізгі  мектепте «қайырымдылық жәрмеңкесі» өтті. Іс-шараны ұйымдастырған директордың тәрбие ісі жөніндегі орынбасары Қанат Т.Қ. , әлеуметтік педагогы Шерьязданова К.К., тәлімгер Бөкен Т.З. алдын ала арнайы хабарлама бұрышын жасақтады.

Жәрмеңке бастауыш және жоғары сыныптар арасында өткізілді. Бастауыш сынып ата-аналары балаларымен бірге тұрып, өздерінің әкелген бау-бақша өнімдерін сатты. Мал ұстайтындары қолдың сүтін, айран, құрт, ірімшіктерін әкелді. Қысқа жапқан тұздалған қызанақ, қияр, қысқы салаттар, т.б барлығы арзан бағамен сатылды. Құлаққағыс болған ата-аналар, маңайдағылар мектепке соғып жәрмеңкені қызықтады. Балалардың көңілін қайтарғысы келмей саудаласып, қажеттілерін сатып алды. Қай сынып көбірек өткізер екен деген бәсекелестік те болды. Бір-бірінің заттарын керек етіп алып жатты. Мұғалімдер де, кіші қызметкерлер де оқушылардың саудаларын жүргізіп, жәрмеңкені қыздырды.

Мектеп басшысы Л.В. Горбунова оқушыларға алғысын білдіріп, жиналған қаржы қарттар үйіне жұмсалатынын түсіндірді.