Ағымдағы жылдың 27 наурызында Қарағанды облысының Полиция департаментінің акт залында «Толерантты тілдік орта - рухани жаңғыру негізі» атты форум ұйымдастырылып өткізілді. Аталған форумға біздің мектептің кадеттері шақыртылды. Форумның басты мақсаты - Ішкі істер органдарында мемлекеттік тілді дамыту, «Үш тұғырлы» тіл саясатын жүзеге асыру, бірнеше тілді меңгерген ішкі істер органдары қызметкерлерін оның ішінде өзге ұлт өкілдерін насихаттау арқылы қоғамдық пікірге ықпал ету, қазақстандық полицияның имиджін көтеру болып табылады. Облыстық тіл форумына Қарағанды облысы ІІО-да қызмет атқаратын, мемлекеттік тілде еркін сөйлеп, ойын ашық жеткізе алатын өзге ұлт өкілдері қатысып өз әріптестерін мемлекеттік тілді оқып-үйренуге шақырды, сондай-ақ өздерінің өмірбаяны және еңбек жолына тоқталып өтіп, қойылған сұрақтарға толық жауап берді. Форум Қарағанды қаласының №21 орта мектебінің кадет сыныбының хорымен ашылды.