20.11.2018 жылы мектебіміздің 7-9 сынып оқушылары әйгілі жырау Бұқар жырау Қалқаманұлының 350 жылдық мерейтойына арналған «Бұқар жырау – философ, ақын, кеңесші» атты әдеби кешін тамашалау үшін, Қарағанды қ.Абай атындағы балалар кітапханасында қонақта болып қайтты.

 Кештің басты қонағы академик Е.А. Бөкетов атындағы ҚарМУ-нің «Тұлғатану» ғылыми-зерттеу орталығының ғылыми қызметкері, «Бұқар жырау тағылымы» атты кітаптың құрастырушысы, айтыскер ақын, филология ғылымдарының кандидаты, доцент Жұмағұлов Айтбай Ботпайұлы болды. Айтбай Ботпайұлы Бұқар жыраудың тәрбиелік мәні зор шығармаларынан үзінділер оқып, жастарды отансүйгіштікке, сыйластыққа шақырды. Бұқар жырау Қалқаманұлының шығармашылығы мен жырауға арнап ашылған ескерткіштер жайында слайд ұсынылды.

Шара соңында «Бұқар – ел бірлігінің жыршысы» атты кітап көрмесіне шолу жасалынды.