Бірінші сыныпқа түсетін баланың ата-анасынан немесе заңды өкілдерінен құжаттарды қабылдау 2024 жылғы 1 сәуірден 31 тамызға дейін порталдар арқылы жүргізіледі e.gov немесе e.bilimal.kz.
Мектептер бірінші сыныпқа алты жастағы балаларды және 2024 жылдың соңына дейін алты жасқа толған балаларды қабылдайды. Мектептерге қызмет көрсету аумағы бекітілген. Мектеп қабылдау кезінде даярлық деңгейіне қарамастан қызмет көрсету аумағында тұратын барлық балалардың қолжетімділігін қамтамасыз етеді.
Мемлекеттік қызмет көрсету үшін қажетті құжаттар тізбесі
- порталға:
1) "бастауыш, негізгі орта, жалпы орта білім берудің жалпы білім беретін бағдарламалары бойынша оқыту үшін ведомстволық бағыныстылығына қарамастан білім беру ұйымдарына құжаттарды қабылдау және оқуға қабылдау"мемлекеттік қызмет көрсетуге қойылатын негізгі талаптардың тізбесіне нысанға сәйкес ата-аналарының немесе өзге де заңды өкілдерінің өтініші;
2) "денсаулық сақтау саласындағы есепке алу құжаттамасының нысандарын, сондай-ақ оларды толтыру жөніндегі нұсқаулықтарды бекіту туралы" Қазақстан Республикасы Денсаулық сақтау министрінің міндетін атқарушының 2020 жылғы 30 қазандағы ҚР ДСМ-175/2020 бұйрығымен бекітілген "профилактикалық егулер картасы" № 065/у нысанындағы және "бала денсаулығы паспорты" № 052-2/у нысанындағы медициналық анықтамалар (нормативтік құқықтық актілерді мемлекеттік тіркеу тізілімінде № 21579 болып тіркелген);
3) баланың 3х4 см сандық фотосуреті.
Қарағанды қаласының жалпы білім беретін мектептеріне қабылдау мәселелері бойынша 8 (7212) 563635 телефоны бойынша хабарласуға болады
