Бүгін 21.12.2017 ж. №4 ЖББОМ –де «Математика және физика сабақтарындағы үй тапсырмасының маңыздылығы» тақырыбында қалалық семинар өтті. Семинардың мақсаты: Қазақстан Республикасының орта білім беру ұйымдарында үй тапсырмасын ұйымдастыру және орындау жөніндегі әдістемелік ұсынымдар бере отырып, практика жүзінде тәжірибе алмасу.

Семинар мектеп директоры К.С.Кулбулатованың алғы сөзімен басталды. Қарағанды қаласы білім бөлімінің әдіскері Г.У.Аязбекова кіріспе сөзінде: үй тапсырмасы кезеңдерінің орындалысының тиімді тәсілдерін қолдану бойынша негізгі ұсыныстар берді.

Физика пәнінің мұғалімі Ж.А.Накипбекова және математика пәнінің мұғалімі Г.А.Кабыханова ашық сабақтар берді. Ашық сабақтар жаңартылған білім мазмұны бойынша математика пәнінен 5 сыныптарда «Жай бөлшектерді және аралас сандарды бөлу», физика пәнінен 7 сыныптарда «Бір түзу бойымен денеге әрекет ететін күштерді қосу» тақырыптарында өткізілді. Екі сабақта жақсы деңгейде өтті.

Талқылау кезінде мынадай ұсыныстар айтылды. Физика пәні бойынша: үй тапсырмасын сабақтың орта кезінде беру керек.

Математика пәні бойынша: уақытты үнемдеп пайдалану керектігі ұсынылды. Ашық сабақтардан кейін «Математика және физика сабақтарындағы үй тапсырмасының маңыздылығы» тақырыбында тренинг өтті.

Тренингті жүргізгендер жас маман математика пәнінің мұғалімі А.Ж.Совет және орыс тілі пәнінің тәлімгер мұғалімі А.А.Сагиева өткізді. Семинар соңында рефлексия жасалды және әр түрлі сұрақтар бойынша Г.У.Аязбекова жауап берді.