№4 ЖББОМ 2017-2018 оқу жылында «Сымбат» қыздар клубы мектебіміздің директоры Кулбулатова Қ.С құттықтау сөзімен ашылды.  Клубтың негізгі идеясы:Ұлтыңды тәрбиелеймін десең, қызыңды тәрбиеле.

«Сымбат» клубының негізгі мақсаты:

Қазіргі қоғамдық ортада азаматтық ұстанымдары бар, жеке өмірде отбасылық міндеттерді алған білімімен ұштастыра білетін ұлтжанды, парасатты, ұлттық салт дәстүр мен мәдениетті дәріптейтін шынайы сымбатты қыз қалыптастыру және мектепте білім алушылардың сырласатын, ой бөлісетін, қажетті кеңестер ала алатын текті қыздар ортасын құру.

Клубқа қойылған міндеттер:

-         тарихи дара тұлға арулардың ерекше қасиеттерін талдау арқылы қазақ қызының жиынтық бейнесін қалыптастыру;

-         ұрпаққа берілер ұлттық тәрбие көзі ретінде даярлау;

-         кез келген ортада тіл мәдениеті мен шебер сөйлеуді дамыту;

-         сұлулық пен денсаулықты сақтаудың, саламатты өмір сүрудің басты қағидаларын ұстануды үйрету;

-         қоғамдағы білім беру және тәрбие мәселелерін ұлттық құндылықтармен сабақтастыру;

-         болашақ ұлт анасы ретінде қыздарды отбасы өміріне даярлау;

-         салт-дәстүрді дәріптеп, жүзеге асыруға баулу;

-         үй шаруашылығына қатысты өмірлік қажеттілік дағдысын қалыптастыру;

-         әдемілік пен әдептілік ұғымының түйінін түсіндіру.

Жоғарыда көрсетілген міндеттерге сәйкес 12.10.2017ж мектебімізде «Қыздарға әсемдік жарасады» атты тақырыпта «Сымбат» қыздар клубының жиналысы болды. Жиналыс директордың ТІО Хурманхан А, Адилова М.Б және мектеп психологы Толеубекова Г.А жетекшілігімен өтті. Жиналысқа 7-10 сынып аралығындағы қыздар қатысты. Жиналыс барысында оқушылар өз ойларын емін-еркін ортаға бүкпесіз салып отырды. Өз бойларындағы қасиеттер мен жаттығу барысында туындаған, қыз балаға тән қасиеттерді сәйкестендіруге тырысты. Адам бойындағы жақсы қасиеттерді сақтап қалуға, жаман қасиеттермен күресу куеректігін түсінді деген ойдамыз.

Кері байланыста оқушылардың бұл клубқа деген көзқарастарының дұрыстығын, көздерінен қызығушылықтың туындағанын байқадық. Клубтың жұмысының әрі қарай жалғасын табуын және өздері туралы басқа оқушылардың ойларын білгісі келетіндіктері туралы пікірлер мен ұсыныстрында көрсетіп өтті.