Мемлекеттік тілді жаңғырту қажеттілігі, оның ішінде латын графикасына өту туралы Мемлекет басшысы Нұрсұлтан Назарбаевтың «Қазақстан-2050» стратегиясы қалыптасқан мемлекеттің жаңа саяси бағыты» атты Қазақстан халқына жолдауында атап өткен. Сонымен қатар Мемлекет басшысы жақында ғана жарық көрген «Болашаққа бағдар: рухани жаңғыру» атты мақаласында «Қазақ тілін біртіндеп латын әліпбиіне көшіру жұмыстарын бастауымыз керек. Біз бұл мәселеге неғұрлым дәйектілік қажеттігін терең түсініп, байыппен қарап келеміз және оған кірісуге тәуелсіздік алғаннан бері мұқият дайындалдық. Яғни, 2025 жылға қарай іс-қағаздарын, мерзімді баспасөзді, оқулықтарды, бәрін де латын әліпбиімен басып шығара бастауға тиіспіз», деді. Бүгінде бұл мәселе қоғамның басты тақырыбына айналуда.

Осы жобаны насихаттау барысында мектебімізде мұғалімдер арасында «Латын әліпбиіне көшу – заман талабы»  атты пікір-таласболып өтті.

Мектебіміздің жоғары санатты ұстазы  Еркебаев Асқар, тіл маманы Н.Шүкірхан өз ойын ортаға салды. Сонымен қатар жас маман ағылшын тілі пәні мұғалімі Фариза Серікбай латын әліпбине көшу ағылшын тілін меңгеруде бірден бір оңды қадам болар еді деген пікірін білдірді. Жалпы ұстаздар қауымы болашақ ұрпақтың жан-жақты дамуына латын әліпбиінің рөлі зор деп қорытындылады.