Мектебімізде 18-қыркүйекте   Қазақстан Республикасының  Тілдер  мерекесіне  арналған «Тіл-татулық тірегі» атты салтанатты жиын болды.Елбасы Нұрсұлтан Назарбаев Ұлытау төріндегі ұлт туралы толғанысында: «Үш тілді – қазақ тілі, орыс тілі және ағылшын тілін меңгергеніміз өте дұрыс… Біз осылай үш тұғырлы тілді қолдансақ, түбінде жолымыз ашық болады», – деп баса айтқан болатын. Қазіргі таңда еліміздің барлық мектептерінде бұл үрдіс іске асуда. Осының дәлелі ретінде өткізілген шарада Тілдер мерекесімен  үш тілде құттықтады. Содан соң қазақ, орыс және ағылшын тілдерінде тақпақ, өлең айтып, би билеп және де «Тілге құрмет жөргекте»  атты бейне ролик көрсетілді. Соңында қазақ тілі пәні бірлестігінің жетекшісі Шүкірхан Назгүл  Тілдер мерекесіне арналған онкүндік жоспары таныстырып өтті.