Наурызайының 7жұлдызында мектеп әкімшілігі және кәсіподақ ұйымының  қолдауымен мектебіміздің жоғарғы санатты, білікті ұстазы Хурманхан Айбаршаның ұйымдастыруымен №4 ЖББОМ «Мектеп дауысы-2017» жобасы  өтті. Мұғалімдер  мен оқытушылар арасында шығармашылық байланыс орнату, жастардың бойындағы таланттарын қолдау, Мәңгілік ел бағдарлама аясында сонымен қатар мемлекет басшысының көптілділік  саясатын іске асыру секілді бағыттарды мақсат етілді.Жобаға 7 жұпқатысты. Байқаудың І кезеңінде Қазақ эстрада әндерін шырқау , ІІ кезеңінде кез-келген жанрда шетел тілінде әнорындау болғандықтан, сайысқа қатысушы жұптардың құлшынысы ерекше еді. Ал көрермен әрі үміткерлердің жанкүйері болып келген ата-аналар қауымы, оқушылар  жақсы белсенділік танытып, байқаудың қызықты өтуіне үлес қоса білді.

«Мектеп дауысы » жобасы байқауға қандай өнерлерімен шығатыны туралы арнайы түсіріп дайындаған видео-роликпен басталып, көрермендерге ұсынылды. Байқауды ашу үшін сөз кезегі мектеп директоры К.С.Кулбулатовағаберіліп, үміткерлерге сәттілік пен жеңісін тіледі.

Жобаға қатысушы жұптар жан-жақты өнер көрсетіп, бойларындағы тұнған өнерлерінің түбіне бойлағандай болды. Осы жобада мектеп ұстаздары Н.Шүкірхан, Д.У.Әльжанова, М.Б.Адилова Т.К.Толеукулова, Г.А.Кабыханова, А.Ж.Совет, М.Крайева  ұстаз жан-жақты тұлға болу керек екендігін тағы бір дәлелдеді.  

Тағы бір қуантарлық мектебіміздің ата-анасы  Шалғынбаева Әсия  сайыскерлерге ризашылығын білдіріп, гүл шоқтарын сыйлады.                                                                                            

Қатысушы жұптардың қай-қайсысы болмасын, өздерінің белсенді, талантты екенін дәлелдеп, ерекше құлшыныспен қатысты. Байқаудың екі кезеңінен кейін әділ қазылар алқасы үздіктерді анықтап, шешімі бойынша «Мектеп дауысы-2017» жүлдесі мектеп алды даярлық тобының тәрбиешісі М.Б.Адилова мен 7-сынып оқушысы Маралова Мадинаға берілді. Қалған сайыскерлер «Сахналық шеберлік» «Үйлесімді әуен» «Сахналық түр имидж» «Әртістік шеберлік»  «Көркем композиция» «Жұлдызды жұп»  номинациялары бойынша марапатталды.

Концерт соңында байқаудың жеңімпаздарын марапаттап, естелікке суретке түсіп, диалом мен сыйлықтар табыс етілді. Талантымен талайды тамсандырар, дарынымен далаға дабыл қағар, еліне елеулі үлес қосар жастарымыз көп болсын!

Қазақ тілі мен әдебиет пәні мұғалімі      А.Ж. Жадрасинова