Астана қаласында 27-28 маусым аралығында Халықаралық Экология және Инженерия ғылым академиясы «Жас ұрпақ» орталығы, «Ян Амос Коменский» фонды атынан III  Халықаралық ғылыми- практикалық конференциясы «Образование сегодня : теория и практика современной педагогики» тақырыбында өтті. Конференцияға Республиканың ең үздік әдіскерлерімен педагог ұстаздары I, II кезеңдер нәтижесі бойынша жеңімпаздары шақырылды. Қарағанды облысынан, Қарағанды қаласындағы №4 негізгі орта мектептің директоры Кулбулатова Қаламқас Сабырқызы I кезеңдегі нәтижесі «Ең үздік аналитикалық есеп»  номинациясы бойынша жеңімпаз болып танылып, ғылыми конференцияға қатысуға жолдама алды. Конференция кезінде «Блум таксономиясының оқытылуы мен проблемасы» тақырыбындағы ғылыми жұмысы арнайы жинаққа енді. Конференцияның екінші күні мектептегі практика  кезіндегі «Блум таксономиясы бойынша бағалау» тақырыбында шеберлік коучинг-семинарын өткізді.  Коучинг- семинардың мақсаты: заманауи білімнің нәтижесінде келешек ұрпақты бәсекелестікке қабілетті маман дайындау проблемасын қозғау. Халықаралық Экология және Инженерия ғылым Академиясының ғылыми кеңесінің шешімімен «Международная академия экологии и безапосности» (Санкт-Петербург), «General manager O.Kapeletti»,(Италия,Болонья). Халықаралық Экология және Инженерия ғылым академиясы орталықтары бірлесіп тағайындаған «Jan Amos Comenius» (Ян Амос Коменский) халықаралық медалімен әріптесіміз, мектебіміздің директоры, Кулбулатова Каламкас Сабыровна қатысушылардың арасынан осы медальмен марапатталды. Мектебіміздің директоры  К.С.Кулбулатованың үлкен халықаралық медаль алуымен шын жүректен педагогикалық ұжымның атынан құттықтаймыз. Отыз жылға жуық педагогикалық еңбегінің шынайы бағаланғандығы деп білеміз. Тәжірибелі әдіскер, шебер басқарушы, « бала жанының инженері» Каламкас Сабыровнаның өмірлік ұстанымы: «Саналы ұрпақ- ұлт келешігі».  Басқарып отырған №4 негізгі орта мектебін әрқашанда әдістемелік, шығармашылық жоғарғы жетістіктерге бағыт-бағдар беріп жүрген көшбасшы ұстаз деп білеміз. Мектеп директорының ең үлкен жеңісі бізді әрқашан әдістемелік, шығармашылық жолға жетелейді.