Жанұяда мүмкіндігі шектеулі баланың өмірге келуі оның өмірге көзқарасын, өзгелерге және өзіне деген қарым-қатынасын өзгертпей қоймайды. Бала үшін де, ата-ана мен жанұя мүшелері үшін де ауыр психологиялық атмосфера қалыптасатыны белгілі.

Баланың кішкентай кезінен өзін қоршаған достары,сыныптастарынан тыс жағдайда білім алуы, оның қоғамнан тыс жағдайда өмір сүріп жатқандай пікірін тудыратыны белгілі.

Мектебіміздің 4-сыныбында оқитын Нурмашев Нұржан  үйде білім алатын оқушы.Нұржанның бүгін туылған күні. Сыныптастары аурудың тауқыметін тартып келе жатқан Нұржанға жақсы көңіл күй сыйлап, аурудан айықтырғандай әсер қалдырды. Нұржанға әннен шашу шашып, мың бұралып би биледі. Қолдарынан жасалынған әр түрлі сый сияпаттарында тарту етті.

Нұржан сыныптастарына алғысын айтты.