Қарағанды қаласы бойынша №4 негізгі орта мектебінде «Мектепке дейінгі балалармен оқу-тәрбие жұмысын ұйымдастыру» тақырыбында мектепалды даярлық топ тәрбиешілерінің әдістемелік семинары өтті. Семинарға Қарағанды қаласы бойынша мектепалды даярлық тобының тәрбиешілері қатысып, өз тәжірибелерімен бөлісті.Семинардың басты мақсаты мектеп дейінгі балалардың «оқу, жазу, айту» функционалдық сауаттылықтарын тиімді дамыту мәселесін ұйымдастыра білу болып табылды.Семинардың ашылуы кезінде қалалық білім бөлімінің әдіскерлері Қожахметова Нұрсұлу Кунашевна, Жаркибаева Перизат Толеубекова сөз алып, бүгінгі семинардың негізгі мақсаты мен міндеттерінен тоқталып өтті.Негізгі тақырыпқа байланысты шеберлік сабағын бірінші санатты ұстаз Адилова Мая Беганалиевна өткізді. Шеберлік сабағы «Сауат ашу және жазу- ұйымдастырылған оқу іс-әрекеті деп аталды. Негізгі идеясы заманауи білім беруге байланысты функционалдық сауаттылықты ерте жастан  бала бойына тиімді дарыту, сіңіру мәселесін әрдайым жүргізу керектігі туралы қатысушыларға ой салды. Семинар кезінде қатысушылар өздерінің  тиімді әдістерімен бөлісе отырып ,  заманауи білімнің талаптарын үйрену керектігін түсінді. Семинар соңында мектеп директоры  Қ.С. Кулбулатова сөз алып семинардың негізгі тиімділігі туралы өз пікірін айтып, қатысушыларға белсенділіктері үшін  алғыс білдірді.