Қарағанды қаласындағы №4 негізгі орта мектеп бойынша «Ізденіс» желілік қоғамдастығы тәжірибе алмасу мақсатында семинар өткізді. Тәжірибе алмасу семинарының тақырыбы: «Мектепті дамыту жоспарының орындалысы, өзектілігі, проблемасы» деп алынды. Семинардың негізгі мақсаты: «Назарбаев Зияткерлік мектептері» ДББҰ дайындаған жеті модуль негізіндегі бағдарламасының мектептерде практикалық негізде орындалу сапасын зерделеу болды. Семинарға Астана қаласы Педагогикалық шеберлік орталығы тренері Т. Қ .Маняпова , №64,13,65 ,83 мектеп көшбасшылары мен мұғалімдері қатысты.Семинарда №4 мектеп директоры Қ.С. Кулбулатованың «Заманауи білім беру мәселесі» тақырыбында «Ізденіс» желілік қоғамдастығының жұмыстары туралы бір жылдық есебін берді. «Ізденіс» қоғамдастығының көшбасшылары: Б. Смагулов, Ж. Искаков, Н. Кунедилов есеп беру кезінде желілік қоғамдастық проблемаларын ашып көрсетіп, жүйелі жұмыстардың келешегін ұсынды.Семинар кезіндегі басты пікір–сайыс көшбасшы мұғалім А.Сагиева өткізген «Сын тұрғысынан ойлауды дамыту, қажеттіліктері» тақырыбындағы коучинг кезінде өтті.Пікір-сайыс кезінде ең алдымен мұғалімдердің сыни, креативті ойлай білу керектігі қатысушыларға ой салды. Қазіргі білім беру жүйесіндегі қойылып отырған басты талап: түлектердің бойындағы көшбасшылық қасиеттерін дамыту.Осы талапты орындау үшін ,ұстаздарды жетілдіру мақсатында №83 мектеп көшбасшысы А.Абдрасилова«Көшбасшылық–басты жетістік қағидасы» тақырыбында коучинг өткізді.Семинар аясында өз ісінің шебер ұстаздары Шукерхан Н., Айдарова Ж.,Хурманхан А., Альжанова Д., БакироваР.өз пәндері бойынша 7 модульді қолдана отырып,өздерінің үздік ашық сабақтарын өткізді. «Үздік портфолиолар» көрмесі өткізіліп, қатысушылар керекті озық іс-тәжірибелермен танысты .Семинардың негізгі бөлімінің бірі «Бүгінгі білім беру жүйесіндегі өзгерістер» тақырыбында Астана қаласы Педагогикалық шеберлік орталығының тренері Т. Қ. Маняпова шеберлік сабағын өткізіп, қатысушылармен бүгінгі білім жүйесіне қойылып отырған талаптар туралы ой бөлісті. Семинардың басты қорытындысы барлық қатысушылар«Назарбаев Зияткерлік мектептері» ДББҰ бағдарламасын барлық мектептерге тарату, «Мәңгілік ел» идеясының басты талабы екендігін түсінді.
Байланыс телефондары
