27.08.2015 күні №4 НОМ-де тамыз педагогикалық кеңесі болып өтті. Кеңес мектеп директоры – Құлболатова Қаламқас Сабырқызыңың кіріспе сөзімен басталды. Ол өз сөзінде "Білім беру мазмұнын жаңарту: болашаққа бағдарлану" тақырыбында айтып өтті. Өткен оқу жылының қорытындысы, 2015-2016 оқу жылының білім сапасын арттырудағы ұжымның  негізгі мақсаттары мен міндеттері жөнінде директордың ОТЖО – Сейсебаева Р.К. сөз сөйледі. Өткен оқу жылындағы тәрбие жұмысының қорытындысы,  2015-2016 оқу жылындағы  тәрбие жұмысының негізгі мақсаттары мен міндеттері директордың ТЖО Кульжамбекова А.Е. мәлімдеді. Мектеп психологы Төлеубекова Г. педагог-психологтың мектептегі қызметі жөнінде айтып өтті. Сонымен қатар мұғалімдердің қызметтік  жүктемесі; «Білім күні» мерекелік шараға  дайындықтың деңгейі; мектеп ғимаратының , сыныптардың жаңа оқу жылына дайындығы, ішкі тәртіп Ережелерімен ұжымды таныстыру сияқты мәселелер қарастырылды. Кеңес соңында мектеп директоры білім беру саласында облыс әкімдігінің сыйлығын тағайындау сертификаттарын мұғалімдерге табыстады.