2 сәуір күні №4 негізгі орта мектепте "Ізденіс" желілік қоғамдастығының №13, №64, №65, №17, №35, №12, №92 тірек мектептер арасында "Жеті модуль" бойынша жаңа әдіс-тәсілдерді сабақта қолдану тақырыбында әдістемелік семинар өтті. Семинарға 23 мұғалім қатысты. Мақсаты: үш айлық курс бойынша озық іс тәжірибелерді тарату, жүйелеу, білім сапасын арттыру. Төмендегі мазмұндағы жұмыс түрлері 3 бағытта ұйымдастырылды.
1-бағыт.Теориялық мәселелер «Диалогтік оқыту», «Бақыт деген не?» коучинг-семинарларында талқыланды. Қалай сабақта қолдану керектігі нақтыланды. Өткізушілер: 1 деңгейлі мұғалімдер А.Сагиева, А.Хурманхан, Ж.Накипбекова, Р.Бакирова.
2-бағыт. Озық іс-тәжірибелерді практикада қолдану мәселесі бойынша 7 «Ә» сыныбында тарих пәнінен «Тәуке хан билік құрған жылдар» тақырыбында, 5 «А» сыныбында математика пәнінен «Ондық бөлшектерді қайталау» тақырыбында ашық сабақтар өткізіліп, сабақ соңында жүйелі талқыланды, ұсыныстар берілді. Ашық сабақ өткізгендер: 1 деңгейлі А.Еркебаев, 3 деңгейлі Ж.Айдарова.
3-бағыт. «Дарынды,талантты оқушылармен жұмыс» негізінде 9 А сынып оқушысы Дайкенов Алиханның облыстық «ЭКСПО-2015» байқауына жолдама алған «Жел энергиясы» жобасы қатысушыларға таныстырылды. Сонымен бірге 8 «Ә» сынып оқушысы Тұрсынбай Лунараның «Күн коллекторы» жобасы көрсетілді.
Семинар жетістігі: жаңа әдіс-тәсілдерді, диалогтік оқытуды сабақта қолданудың тиімділігін қатысушылар үйренді. Оқуды бағалау және оқу үшін бағалау негізінде «баллдық» бағалау жүйесін өз сабақтарында қолдануға болатындығын қатысушылар ескерді.
Контакты
