Бүгінгі білім беру жүйесіндегі жаңару мұғалімдер алдына үлкен міндеттер жүктейді. Соған байланысты Қарағанды қаласындағы №4, 13, 64, 65 мектептер арасындағы құрылған желілік қоғамдастықты дамытуға байланысты коучинг-семинар жұмысы 28.02.2015 жылы № 4 мектепте басқарушы топ мүшелері, көшбасшылар Сагиева Алуа мен Еркебаев Асқардың және мектеп басшысымен бірлескен коучинг-сессия өткізілді.
Мақсаты: желілік қоғамдастықты дамыту,қоғамдастықта тәжірибе алмасу арқылы білім сапасын көтеру; жаңартылған бірлескен бағдарламаларды жүзеге асыру.
"Ізденіс" желілік қоғамдастығының жұмысы № 4 негізгі мектепте дамыту жоспары бойынша "Диалогтік оқыту" тақырыбында коучинг-семинар өтті. Коучинг жұмысына №13, 64, 65 мектеп басшылары Жаният, Бекбай, Нұрбол шығармашылық топтағы мұғалімдері, оқу-тәрбие ісі жөніндегі көшбасшыларымен бірге қатысты. Коучинг-семинар жұмысына барлығы 41 адам қамтылды. Семинардың қорытынды бөлімінде қоғамдастық жұмысының шеңберінде мектеп басшыларымен көшбасшыларынан, қатысушылардан интервью алынды. Сұрақтары: "Диалогтік оқытудың білім сапасының өсуіне әсері бар ма?", "Бүгінгі коучингтен қандай ой түйдіңіз?"
Рефлексия ретінде коучингке қатысушылар Қазақстанның басқа қалаларындағы өздері сияқты әріптестеріне коучинг жұмысына баға беріп телеграмма жолдады. Қатысушылар жедел хат арқылы семинардың жетістіктері мен кемшіліктерін атап өтіп, ұсыныстарын білдірді. Коучинг жұмысы жоғары дәрежеде бағаланды.
Байланыс телефондары
