06.02.2015 жылы №4 негізгі орта мектебі бойынша 11:30-да 5-8 сыныптар арасында "Достық фестивалі" өткізілді. Бұл салтанатты іс-шараға 230 оқушы, ұстаздар және ата-аналар қатысты. Мерекелік іс-шараның мақсаты:оқушыларға патриоттық тәрбие беру. Еліне, Отанына, туған жеріне деген сүйіспеншілігін арттыру.

САЙЫС ТҮРІНДЕ ӨТКІЗІЛЕТІН МЕРЕКЕЛІК ІС ШАРА.

1-жүргізуші: Қайырлы күн, ардақты ұстаздар МЕН ОҚУШЫЛАР!

2-жүргізуші: БИЫЛҒЫ 2015 ЖЫЛЫ ҚАЗАҚСТАН АСССАМБЛЕЯСЫНА  толық 20 жыл толды. Байлықтың ең үлкені халықтар достығы дей отырып «Достық фестивалін» бастауға рұқсат етіңіздер

«Достық әнін жырлайық!»

1-жүргізуші: Бұл күн - әрбір қазақстандық үшін Отанға деген сүйіспеншілік пен патриоттық сезімнің, адамзаттық борыш пен жалпы ұлттық келісімнің мерекесі.

2-жүргізуші: Бұл күні ел азаматтары ұлт пен ұлыстың өткен кезеңдегі тарихын дәріптеп, әлемдік қауымдастық тарапынан жоғары бағаланған қазақстандық татулық пен келісімді паш етеді.

1-жүргізуші: Еліміздің басты қорғаушы күші – қоғамдық келісім мен этносаралық үйлесімді сақтау – Қазақ елінің алдында тұрған басты міндет.

2-жүргізуші: Қоғамдық келісім мен саяси тұрақтылық – біздің ең маңызды байлығымыз. Бұл жетістікті бағалау, оны сақтау жолында аянбай еңбек ету – барша қазақстандықтардың борышы.

1-жүргізуші: Нәсілдерге нәсіл болсын нұрлы күн,

                        Ынтымақтың шертсем деймін бір жырын.

                       Татулығын жырға қосам ұлттардың,

                       Мақтан қылып ұлыстардың бірлігін.

2-жүргізуші: Тілі бөлек болғанымен тілек бір,

                        Ұлы достық мәпелеген жүрек гүл.

                        Қазақстан бар ұлысқа шаңырақ,

                        Шайқалмастан шаттығымыз тіреп тұр.

1-жүргізуші: Ұлтаралық татулық арқасында  бүгінде ел тыныш, жұрт аман. Осы берекеміз бұзылмағай.Қазақстанда тұратын барша ұлт арасындағы айнымас достыққа сызат түспесе екен.

Сіздерді әділқазылар алқасымен таныстырып өтуге рұқсат етіңіздер!

Тәрбие ісі жөніндегі орынбасары:Кульжамбекова А.Е

Тәлімгер: Ещанова Рауза Тукеновна

Психолог муғалім: Айгүл Айтжановна

Информатика пәнінің мұғалімі :Октябрь Наурызгул

2-жүргізуші: Мен қазақпын, мың өліп, мың тірілген,

                        Жөргегімде таныстым мың тіліммен.

                        Жылағанда жүрегім күн тұтылып,

                        Қуанғанда күлкімнен күн түрілген.

1-жүргізуші: Мен – қазақпын, биікпін, байтақ елмін,

                        Қайта тудым өмірге қайта келдім.

                        Мен мың да бір тірілдім мәңгі өлмеске

                        Айта бергім келеді, айта бергім.

Дей отырып, қонақжай бейбіт сүйгіш қазақ халқының өкілдеріне сөз береміз

Қазақ халқының сәлемі – 8 «А» сыныбы.

2-жүргізуші: Құрметті қонақтар! Бүгінгі мерекемізде біз 6 ұлт өкілдерінің басын қосып отырмыз. Әрине, қазіргі таңда елімізде 130-дан астам ұлт өкілдері тұрады.

1-жүргізуші: 1995 жылы ұлтаралық татулық пен тұрақтылықтың феномені – Қазақстан халықтары Ассамблеясы құрылды. Бұл – ешбір елде болмаған ерекше, саяси маңызы зор құрылым.

2-жүргізуші:                           Ортақ мекен жер шары,

                                                  Төбемізде бір аспан.

                                                  Барлық ұлттың баласы,

                                                  Достығымыз жарасқан.

1-жүргізуші:                           Ортақ бізге бір Отан,

                                                  Ортақ жердің байлығы.

                                                  Еңбек ортақ, жыр ортақ,

                                                  Ортақ бізге барлығы.

2-жүргізуші: Байлықтың ең үлкені – халықтар достығы,- дей отырып, Орыс мәдени орталығына сөз кезегін береміз.

/Орыс халқының сәлемі/ /7 «А» сыныбы

1-жүргізуші:                         Елім менің, жарқыраған, жайнаған,

                                                Бақ біткенде бұлбұл құсы сайраған.

                                                Елім менің биіктігі шарайнам,

                                                Қыран құсы көгінде мың самғаған!

2-жүргізуші: Сөз кезегін Өзбек мәдени орталығына береміз.

/Өзбек халқының сәлемі/ /7 «Ә» сыныбы /

1-жүргізуші: Жер-Ана бәрімізге ортақ. Осынау сахара кең қазақ даласында көптеген ұлт өкілдері тату-тәтті ынтымақта, бауырластықта өмір кешуде.

2-жүргізуші: Қазақ жері ортақ Отан, ортақ өлке болып, әр азаматтың мекеніне айналған. Келесі кезекті украина мәдени орталығының өкілдеріне береміз.

/Украин халқының сәлемі/ /6 «А»-сыныбы/

1-жүргізуші:                        Ағайын-туған – бар адам,

                                               Адалдық үшін жаралған.

                                               Бар қымбат туыстық,

                                               Баянды болсын тыныштық!

2-жүргізуші:                         Республикам менің,

                                                Республикам менің,

                                               Абатым!

                                               Көркіңді көрсе – мейірі көздің қанатын!

                                               Қуат бар сенде лапылдап от боп жанатын,

                                               Шуақ бар сенде достасып бірге табатын!

1-жүргізуші:                        Тілегі бір,

                                               Жүрегі бір.

                                               Достармен біз біргеміз.

                                               Туыс барда құрыштан да,

                                               Берік біздің іргеміз!

2-жүргізуші: Өз құттықтау лебізін білдіру үшін ортаға көршілес шешен мәдени орталығының өкілдерін шақырамыз.

/шешен халқының лебізі/ /5 «А» сыныбы /

1-жүргізуші:                     Жер-анамыз жасайды тарлық кімге,

                                            Кетпеу үшін мәңгілік қалғып түнде.

                                            Қайталанып, жаңарып айтылады,

                                            Бейбітшілік деген сөз барлық тілде.

2-жүргізуші:                     Жақсылыққа, бақытқа,

                                            Талпынған әр уақытқа.

                                            Бала біткен дос-бауыр,

                                            Болмасын еш тосқауыл!

1-жүргізуші: Келесі сөз кезегін грузин халқының  мәдени орталығының өкілдеріне береміз.

/грузин халқының лебізі/ /8 «Ә»-сыныбы/

2-жүргізуші:                     Қайсарлығы қара тасты үгіткен,

                                            Қаһарынан қас дұшпаны үріккен.

                                            Қайырымдылығы тас жүректі жібіткен,

                                            Арғы тегі Алаштан тараған,

                                            Керегесін ағаштан құраған елміз!

1-жүргізуші: Тағдырдың тезіне, қолдан жасалған тозақтың өзіне шыдаған елміз. Бабалар рухына бас иіп, Алладан медет сұраған елміз!

2-жүргізуші: Халқы жомарт, даласы дархан, орманы қорған, таулары қалқан болған ақ бесік атамекені бар, сол мекенде жусанының жұпар иісін иіскеген, өздігінен ешкімге тиіспеген елміз!

1-жүргізуші: Шыдамының шегіне жеткенде, намыс оты еті түгілі сүйегінен өткенде, кеудесінде жанар тауы жарылып, көзінің алды қанталап, өзіне қарап анталап тұрған жаудың алысқанының аузына ұрып, жұлысқанының жұлынын жұлып бір-ақ тоқтаған қазақпыз!

2-жүргізуші: Сондықтан да біздің мемлекет кешегі бабаларым табыстаған, сәт сайын, сағат сайын қарыштаған Тәуелсіз Қазақстан!

1-жүргізуші: Ән «Қазақстаным менің!» жеке дауыста 8 «Ә» сынып оқушысы Асан Руслан

/ән орындалады/

2-жүргізуші: «Ел бірлігі – ең асыл қасиет.Бірлік, ынтымақ, сабырлылық пен парасаттылық, ең алдымен өзімізге – қазақтарға керек» деп көрегенділікпен Елбасымыз айтқандай, біз сияқты көпұлтты мемлекеттің даму болашағының бір көзі – Қазақстан халықтарының бірлігі.

1-жүргізуші: Қазақстан сияқты жас мемлекеттің өркендеуінің бір кепілі еліміздегі ынтымақтастық пен бейбіт өмір!

2-жүргізуші: Ендеше, бейбітшілік жасасын!

1-жүргізуші: Қазақстан жасасын!

2-жүргізуші: Осымен, бүгінгі «Достық әнін жырлайық!» атты мерекелік бағдарламамызды аяқтаймыз.

1,2-жүргізуші: Сау саламатта болыңыздар!

Жауапты: тәлімгер Ещанова Р.Т.