№4 негізгі орта мектепте 24.12.2014 күні "Оқушының өзіндік жұмысын ұйымдастыру" тақырыбында қалалық бастауыш сыныптар мұғалімдерінің семинары өткізілді. Семинардың ашылуы жиын залында 10:00 - ден басталды.

Директордың оқу-тәрбие ісі-жөніндегі орынбасары Сейсебаева Роза Кабеновна семинардың ашылу рәсімін жасап өтті. Бастауыш сынып бірлестігінің жетекшісі Хурманхан Айбарша семинардың өзекті мәселесі "Оқушының өзіндік жұмысын ұйымдастыру" тақырыбы бойынша өз іс-тәжірибесімен бөлісті. Семинардың екінші бөлімінде Кембридж бағдарламасы  негізінде екінші(негізгі) деңгейді аяқтаған мұғалімдер Хурманхан А., Бакирова Р.А. "Көшбасшылық - заман талабы", "Оқуды бағалау, оқу үшін бағалау" тақырыбында коучинг шеберлік сабақтарын өткізді. Сонымен қатар мектепалды даярлық тобының тәрбиешісі Адилова М.Б. "Тәрбие отбасынан басталады" тақырыбы аясында ата-аналармен шеберлік сабағын өткізді. Семинар ашық сабақтармен жалғасын тапты. "Қар С.Шаймерденов" тақырыбында 3 "Ә" сыныбына әдебиеттік оқу пәнінен Жуманбаева Гүлжансара Азанбаевна ашық сабақ өткізді. "Көбейту мен бөлуді қайталау" тақырыбында 3 "А" сыныбына  математика пәнінен Хурманхан Айбарша ашық сабағын өткізді. "Ғажайыптар сурет әлемінде"  тақырыбында 4 "Ә" сыныбына бейнелеу өнері пәнінен Балапан Ұлжан ашық сабақ өткізді. "ЗЕРДЕ" зияткерлік ойынын 4 "А", 4"Ә" сынып оқушыларына мектебіміздің белсенді жас мамандары Толеукулова Таңнұр және Кәріғұл Назерке ұйымдастырды. Семинар соңында "Ақылдың алты қалпағы" деп аталынатын рефлексиясы жасалынып қорытыланды.

       Жалпы семинардың мақсаты заманауи талаптағы әдіс-тәсілдерді қолдану және кәсіби қоғамдастық аясында іс-тәжірибе алмасуда болды.