2014 ж. желтоқсанның 13-нде  №4 негізгі орта мектепте «Тұлға  толеранттылығы-толерантты отбасынан басталады» айдарымен 9-сыныптар арасында коучинг өткізілді.

Бұл шараны өткізуде келесі міндеттер басшылыққа алынды.

Білімділік :

•      Толеранттылық,төзімділік ұғымымен таныстыру;

• Толеранттық іс-әрекет жайлы көзқарасын қалыптастыру.

Тәрбиелік:

• Өзге ұлт пен халықтың мәдениетіне, салт-дәстүріне деген сыйластық көзқарас қалыптастыру;

• Замандастарымен, сыныптастарымен коммуникативтік қарым-қатынасты  құрастыруға  тәрбиелеу.

Дамытушылық:

• оқушының сана-сезімін ,өзіне деген сыни көзқарасын, өзгелерге деген төзімділігін дамыту;

• адамдар арасындағы айырмашылықтар мен ерекшеліктерге деген төзімді көзқарас қалыптастыру.

Аталған шарада 9-сынып оқушылары өздерінің толеранттылық,төзімділік жайындағы ойларын ортаға салды.Топтық жұмыс арқылы оқушылар өздерінің осы тақырып бойынша көзқарастарын постерге түсіріп қорғап шықты. Жұмыс соңында толеранттылық мәселесі туралы  тарих пәні А.С.Еркебаев  елбасымыз Н.Ә.Назарбаевтың халыққа жолдауында  бұл маңызды тақырыпты ерекше атап өткені жайлы, атап айтқанда Президентіміздің  келесі сөздері келтірілді: «Біз әркімнің ар-ұжданы, абыройы мен беделі қадірленетін, мәртебелі мораль, этикалық негіздер мен рухани құндылықтар ірге тепкен қоғам құруымыз керек». Және осы бағытта Қазақстан халықтарының ассамблеясы да біршама игі істер атқару үстінде екендігі, бұл істердің негізінде елбасымыздың ұлтаралық мәселелер жөніндегі ішкі және сыртқы саяси бағдарламалары негіз болып отырғаны жайлы пікір айтылып, қорытынды жасалды.

Өткізгендер:мектеп директорының ОТЖО – Сейсебаева Р.К., тарих пәнінің мұғалімі Еркебаев А.С., орыс тілі пәнінің мұғалімі Сагиева А.А.