23.10.2014 күні №4 негізгі орта мектептің тарих пәнінің мұғалімі Еркебаев Асқар Сатыбалдыұлының Орталық Қазақстан газетіне "РУХАНИ КЕЛІСІМ - Мәңгілік Ел Тірегі" атты мақаласы жарық көрді.

Рухани келісім- мәңгілік ел тірегі.

Елімізде 18 қазан Рухани келісім күні кейінгі жылдарда дәстүрлі түрде атап өтілуде.Түсіне білген әр азаматқа-рухани келісім күнінің атап өтілуі тұрақтылық кепіліп болып табылады. Мектеп оқушылары рухани келісім күніне байланысты нені басты ұстаным ретінде білуі керек? Ең басты ұстаным- толеранттылық.Төзімділікке ,толеранттылыққа болашақ ұрпақты тәрбиелеу әр азаматтың басты міндеті болып табылады.

         Бүгінгі қоғамда сақал қоятындар,сақал қоймайтындар немесе қара киім киетіндер, кимейтіндер және намаз оқитындар ,намаз оқымайтындар тағы басқа топқа, секта мүшелеріне топтасып бөлінушілік етек ала бастады. Еліміздің ата-заңында көрсетілгендей-азаматтарға ар-ұждан бостандығы берілген.Осыған байланысты шығар.Сондықтан мектеп оқушыларын- әркімнің дәстүріне, өмірлік ұстанымына, діни белсенділігіне түсіністік пен қарап, толеранттық танытуға  тәрбиелеу қажет. Өйткені сақал қоятында, қоймайтында қазақстандық намаз оқитын немесе оқымайтында қазақстандық. Сектаға немесе күмәнді діни ұйымға мүше болып жүрген өзіміздің отандасымыз, көршіміз, туысқанымыз. Өз қолымызды өзіміз шаппай-заң жүзінде тиісті органдар қарастырып, түсіністік, толеранттылық таныта білсек-ол бейбітшілігіміздің басты кепілі, Отанымыздың амандығы.

       Осы мақсаттарды оқушылар бойына сіңіру негізінде №4 негізгі орта мектебінде «Рухани келісім-мәңгілік ел тірегі» тақырыбында семинар дөңгелек стол өтті. Семинарға ата-аналар, ардагерлер, оқушылар, мұғалімдер қатысты. Семинарды мектеп директоры Қ.С. Кулбулатова кіріспе сөзбен ашып, бүгін қоғам өміріндегі қауіпсіздік мәселесіне тоқталып өтті.

Семинардың бірінші бөлімінде тарих пәні мұғалімі Еркебаев А.C. «Толеранттылық- бейбітшілік кепілі» тақырыбында баяндама жасады. Екінші бөлімінде «Бүгінгі қоғам өмірінде» деп аталып әңгіме сұрақ жауап кезеңі қызу пікір сайысқа ұласты. Онда төмендегі маңызды сұрақтар талқыланды:

«Ата-анам намаз оқуға рұқсат бермесем мен не істеуім керек?, Жұма намазына қатысу оқушыларға міндетті ме?,  Діни ұйымдарға неше жастан мүше болу керек? Барлық сұрақтар бойынша қатысушылар өз ой пікірлерімен бөлісті. Тарихшы ретінде Еркебаев А. С. Ата-заңымыз бойынша біз зайырлы яғни дін мемлекеттен бөлігендіктен оқушылардың басты міндеті білім алу керек деп қорытынды жасады. Ең бастысы өз ата-анасымен, ортасымен тіл табыса отырып, толеранттылық сақтау керектігін түсінді. Қатысушылардың түйген ойы «Рухани келісімсіз- бейбіт өмір болмайтындығын» сол үшін тиімді түсіндіру жұмыстар керек екендігін, әр азамат Отан үшін бейбітшілік сақтау жұмыстарына аянбай ат салысу керектігі нақтыланды.

Жаркеева Қ. Б, Еркебаев А .С.

№4 негізгі орта мектебі, Қарағанды қаласы