№4 НОМ бойынша "Мұғалімдер күні" мерекесіне өзін-өзі басқару күні өтті! Бұл іс-шарада "Оқушы парламент" мүшелері 8-9 сынып оқушылары 07:45-те мектеп мұғалімдерін "Ұстазым менің" атты әнімен салтанатты түрде қарсы алды. Содан кейін салтанатты ақпараттық жиын өтті. 9 "а" сынып оқушысы үздік куәлікке үміткер - Биргебаев Қуандық Берікболұлы мектеп директоры болып тағайындалды. Ал директордың оқу ісі-жөніндегі орынбасары 9 "а" сынып оқушысы -  Әбдікен Темірлан, директордың тәрбие ісі-жөніндегі орынбасары 9 "а" сынып оқушысы - Төкен Елжас тағайындалды. Және де, директордың тәрбие ісі-жөніндегі орынбасары 9 "а" сынып оқушысы - Төкен Елжас пән мұғалімдерімен таныстырылды. Мұғалімдерге арнайы номинациялы сертификаттар мен гүлдер табыс етілді. Сабақ кестесі бойынша өзгертулер енгізіліп, таныстырылып өтті. Арнайы "мұғалімдер сыныбы" ашылды. Бұл сыныпқа сабақ кестесі бойынша 35 мин 4 сабақ өтілді. Мұғалімдер сабаққа өте белсенді ұдайы түрде қатысты. Мұғалімдер сабақтардан жақсы әсер алып, алғыстарын білдірді. Басқа сыныптарға пәндер әдеттегі сабақ кестесі бойынша өткізілді. Ақпараттық жиында Биргебаев Қуандық Берікболұлы барлық мұғалімдерді және оқушыларды сағат 13:00-де болатын "Ұстаз - мектеп жүрегі" атты мерекелік кешке шақырды. Бұл мерекелік кешке мектеп ардагерлері де шақырылды. Олар: Жумабеков Мухтар Нығметжанович, Кангельдина Света, Горяйнева Валентина Ивановна, Өмірзақова Раиса Каламовна, Качура Лидия Ивановна. Мектеп ардагерлерін "Жас Қыран" ұйымы салтанатты түрде қарсы алды. Концерт барысында би, өлең, ән, көрініс қойылды. Соңында ардагерлер мектеп ұжымы және тәлімгерлерге өз ризашылықтарын білдіріп, алғыстарын айтып кетті.