№4 Негізгі орта мектеп бойынша 2014 жылғы 1-10 қыркүйек арасында

«Абайлаңыз, бағдаршам!»  онкүндік акциясы

бойынша есеп

Өткізілетін онкүндік акциясының негізгі жоспары директор жанындағы кеңесте бекітіліп, сол жоспарға сай төмендегі жұмыстар жүргізілді.

Акцияның ең негізгі мақсаты: оқушылардың жолда жүру ережелерін толық білуін, соған байланысты ережелерді әр уақытта мұқият орындауға тәрбиелеу. Акция кезінде мектеп оқушыларының 100 пайызы қамтылып, төмендегі іс – шаралар жүргізілді.

-  4 қыркүйек күні 1-9 сынып оқушыларының қатысуымен «Біз жолда және тұрмыстық жағдайда қауіпсіздік үшін» тақырыбында салтанатты жиын өткізілді. Жиын кезінде «Арлан» жедел-жасақ тобының мүшелері «Негізгі қауіпсіздік ережелері» тақырыбында баяндама жасап, оқушыларға негізгі ақпараттар берді.

- 5 қыркүйек күні «Тұрмыстық және жол – көлік жарақаттарының алдын алу» тақырыбында мектеп медбикесі С.Кангелдинаның ұйымдастыруымен ата-аналар, полиция қызметкерлерінің қатысуымен 1-4 сынып оқушылары арасында дөңгелек үстел өткізілді.

- «Көңілді бағдаршам», «Жол ережесін білесің бе?», «Негізгі қауіпсіздік ережелері» тақырыбында 1-9 сынып оқушылар арасында шығарма жазу, сурет салу, спорттық жарыстар байқаулары ұйымдастырылды. Атап айтсақ: «Абайлаңыз, бағдаршам!» онкүндік акция  күніне байланысты мектебімізде 5-7 сыныптар аралығында  «Балаларға ақ жол!» атты мектепішілік сурет көрмесі өтті. Көрменің мақсаты: оқушыларды жолда жүру ережесімен таныстыру, жол қауіпсіздігін есте сақтауға, білуге жол ережесінің белгілерімен таныстыру, оқушыларды көшеде дұрыс жүріп, жол ережесін сақтауға тәрбиелеу.

      Байқау жеңімпаздары мен жүлдегерлері арнайы сыйлықтармен, алғыс хаттармен марапатталды. Қорытынды кеш кезінде айлыққа белсенді қатысқан оқушылар мен ұстаздар арнайы  алғыс хаттармен марапатталды.