№4 жалпы білім беретін орта мектепте қыркүйек айының 2 жұлдызынан 8 жұлдызы аралығында Отбасы күні мерекесіне арналған іс-шаралар өткізілді.Мерекеге арналған тақырыптық стендтар, мектеп кітапханасында көрме ұйымдастырылды. Сонымен қатар дүйсенбі күнгі кезекті тақырыптық жиында «Қазақстан-2050» стратегиясы» бір халық-бір ел-бір тағдыр» атты тақырып негізге алынды.«Отбасылық құндылық», «Отбасы-ол, мәңгілік сенімен» атты тақырыпта сынып сағаттары өткізілді.Отбасы тәрбиесінің отбасында, қоршаған ортада қаншалықты қажет, маңызды екендігі туралы ата-аналарға психолог тарапынан кеңес берілді.«Менің отбасым», «Отбасы портреті» тақырыптарында сурет салудан конкурс, «Ерекше отбасы», «Отбасы және отбасылық құндылықтар» атты шығарма байқауы ұйымдастырылды. Оқушылар берілген тақырыптар бойынша конкурстарға ат салыса қатысты.Бастауыш сынып оқушылары мен ата-аналарының арасында «Толағай», «Әкем, шешем және мен – спорттық отбасымыз» атты спорттық сайыс өтті. Апта соңында өткізілген іс-шаралардың қорытындысы шығарылды. Іс-шараларға барлық мектеп ұжымы, оқушылар, ата-аналар көтеріңкі көңіл күймен бір адамдай қатысты.Отбасының біз үшін қандай маңызды орын алатындығы атқарылған іс-шаралар арқылы оқушылардың санасына сіңді деп есептейміз.