7 қыркүйек күні № 4 жалпы білім беретін орта мектепте «Денсаулығым керемет-жаттығуға көп рахмет» атты ұранмен Денсаулық фестивалі-2013 атап өтілді. Бұл мерекеге ұстаздар, ата-аналар, оқушылар бір адамдай қатысты.

 Денсаулық күнінің салтанатты ашылуы мектебіміздің директоры Орманбаева Дана Тоғайбаевнаның құттықтау сөзімен ашылды.

 Мерекелік шараға келген құрметті қонағымыз Облыстық салауатты өмір салтын қалыптастыру орталығының маманы Зайтова Гаухар Қабдықайырқызы жылы лебізін білдірді!

 Осы құттықтаулардан кейін әр түрлі спорттық жаттығуларды жасаумен және барлық мектеп оқушылары қазақтың ұлттық «қара жорға» биін билеумен, жағымды көңіл күймен бүгінгі іс-шараларымыз басталып кетті.         Сонымен қатар бастауыш сыныптар арасында қазақтың ұлттық ойындарынан жарыс, 7,8,9 сынып оқушылары ұлдарының арасында футболдан және қыздары арасында волейболдан сынып аралығында жарыстар өтті. Ата-аналар арасында көңілді эстафетадан сайыс өтті. Оқушылар, ата-аналар арасындағы сайыс соңында әділқазылар алқасы өз қорытындысын шығарып, әділ баға бере білді.

 Жеңімпаз атанған оқушылар, ата-аналар «Денсаулығым керемет-жаттығуға көп рахмет» атты ұранмен басталған денсаулық күні мерекесінің жабылу рәсімінде мақтау қағаздарымен марапатталды.