№4 ЖББОМ бойынша

Мектеп жасындағы балалар мен жасөспірімдер арасындағы тұрмыстық және жол-көлік жарақаттарының алдын-алу бойынша 2013 жылдың 1 сәуірінен бастап 30 сәуірге дейін Республикалық айлық қорытындысы бойынша ақпарат.

Өткізілетін айлықтың негізгі жоспары директор жанындағы кеңесте бекітіліп, сол жоспарға сай тмендегі жұмыстар жүргізілді.

Айлықтың ең негізгі мақсаты: Қоғам назарын мектеп жасындағы балалар мен жастардың арасындағы жол-көлік және тұрмыстық жарақаттану мәселесіне аудару. Жол қозғалысы тәртібі туралы білімді арттыру, жолда жүру мен тұрмыстағы мінез-құлық мәденеті дағдыларын қалыптастыру.

Айлық кезінде мектеп оқушыларының 100 пайызы қамтылып, төмендегі іс – шаралар жүргізілді.

-         7 сәуір күні 1 – 9 сынып оқушыларының қатысуымен «Біз жолда және тұрмыстық жағдайда қауіпсіздік үшін» тақырыбында салтанатты жиын өткізілді. Жиын кезінде 9 сынып оқушылары «Негізгі қауіпсіздік ережелері» тақырыбында баяндама жасап, оқушыларға негізгі ақпараттар берді.

-         19 сәуір күні «Тұрмыстық және жол – көлік жарақаттардың алдын алу» тақырыбында мектеп медбикесі С. Кангельдинаның ұйымдастыруымен ата – аналар, полиция қызметкерлерінің қатысуымен 8 – 9 сынып оқушылары арасында дөңгелек стол өткізілді.

-         «Қауіпсіз доңғалақ» «Балаларға ақ жол!», «Назар аударыңыз, бағдаршам!», тақырыбында 5 – 9 сынып оқушылар арасында шығарма жазу, сурет салу, спорттық жарыстар байқаулары ұйымдастырылды. Байқау жеңімпаздары мен жүлдегерлері арнайы сыйлықтармен, алғыс хаттармен марапатталды.

-         28 сәуір күні Айлықтың қорытынды кеші «Қызыл, сары, жасыл» байқауымен қорытындылады. Байқауға 2 –9 сынып оқушылары командалық түрде жарысқа қатысып өз өнерлерін көрсетті. Нәтижесінде 3 «а» сынып оқушыларының «Бағдаршам» командасы бірінші орынды жеңіп алып, қалалық байқауларға жолдама алды. Қорытынды кеш кезінде айлыққа белсенді қатысқан оқушылар мен ұстаздар арнайы сыйлықтар мен алғыс хаттармен марапатталды.

№4 ЖББОМ директордың ТІЖ орынбасары       А.Е.Кульжамбекова