«Өлкетану» үйірмесі мен «Музей сабақтары» жобасы аясында 6 «Ә» сыныбында Қарағанды облыстық тарихи – өлкетану мұражайына танымжорық саяхаты ұйымдастырылды.

Мақсаты:

• Оқушыларға  мұражайдың  таусылмас  қазына  екенін  ұғындырып,  өткен өмір  тарихын,  ескі  тарихын,  ескі  табиғи  заттардың   қадір-қасиетін,  өткен  мен  болашақты  жалғастырушысы  екенін  түсіндіру;
• Туған халқымыздың салт-дәстүрлерімен, жалпы адамзаттық кұндылықтар мен идеялар рухында тәрбиелеу;
• Ғылымның, білімнің, мәдениеттің қалыптасуына ықпал ететін ғылыми мекеме ретінде өскелең ұрпақтың тәрбиесіне, тарихи санасының қалыптасуына ықпал ету;

Ұлттық дәстүр, әдеби және мәдени құндылықтар, тарихи тәжірибе — ұрпақтан-ұрпаққа ауысып отыратын асыл қазына. Осындай асыл қазынаны  өскелең ұрпақтың бойына сіңдіруге  әсерін тигізетін мәдени орындардың бірі – мұражай. Мектебіміздің оқушылары мұражайға саяхат арқылы тарих ,өлкетану, әдебиет т.б пәндерге білімдерін тереңдетіп, көптеген қажетті мағлұматтар ала білді.

Оқушылар мұражайдың әрбір тақырыптық көрмелерін ерекше қызығушылықпен тамашалап, кейде танымдық сұрақтарға жауап беріп белсенділік көрсетті.

«Өлкетану» үйірмесі жетекшісі: Исмагулова А.М. 

«Музей сабақтары» жобасының жетекшісі: Еркебаева А.С.