Мемлекет басшысы Қасым-Жомарт Тоқаев 2020 жылды «Еріктілер жылы» деп жариялады. Еріктілік – жастардың өз белсенділігін көрсетіп қана қоймай, адамдарға көмек беріп, тәжірибе жинауға, өмірлік маңызды дағдыларды дамытып, әлемді жаңа қырынан көруге мүмкіндік беретін бірден-бір сала. Сондықтан, уақытты еріктілікке жұмсау – тұлғалық дамуға құйылған инвестициялар болып табылады. 

    Осыған байланысты «Өзін – өзі тану» апталығында «Қайырымдылық жер бетінде» тақырыбында  сыныптан тыс іс – шара ұйымдастырылды. Іс – шараның мақсаты мүмкіндігі шектеулі ардагерімізге көмек көрсету, достық пен сыйластық арқылы жалпыадамзаттық құндылықтардың мәнін ашу. Шараға 2 «Ә» және 5 «А» сыныптары қатысты. Мектеп әкімшілігімен кеңесе отырып, 97 жастағы еңбек ардагері Атькина Анна Федоровнаның үйіне бардық. Оқушылар жылы тілектерін айтып, апамыздың батасын алды. 5 «А» сыныбының оқушылары осымен бірнеше рет ардагеріміздің үйіне сенбілікке барған болатын. Бүгінде   оқушылар күректерін ала барып, қуана  үйдің маңайындағы қарды күреп берді. Өткізген: Ануарбекова Г.Ж.