«Өзін –өзі тану» апталығында «Мейірімге толы  жүрек » акциясы  ұйымдастырылды.  Акцияның мақсаты оқушыларды қайырымдылық жасауға, біреуге көмек көрсетуге, жақсылық  жасауға үйрету болды.  Мейірімділік – ізгіліктің жолы. Жақсылық жасау дегеніміз адамдарға, айналаға, табиғатқа, қайырымдылық пен қамқорлық жасауды, көмек көрсетуді білдіреді. Адамдардың бір-біріне жиі жақсылық жасауы оларды жақындастырады, достастырады. Баланың бойына рухани-адамгершілік  қасиеттерді ұялату, жақсы-жаманды ажырата білуге, адамдық асыл қасиеттерді игеруге ықпал етеді. Бір-бірімен қарым-қатынастарын жақсарту, оларды адамгершілікке, имандылыққа. шыншылдыққа, мейірімділікке тәрбиелейді. Жақсылық жасау-адам бойындағы асыл қасиеттердің бірі. Жақсы адам қол ұшын беруге, жәрдем етуге, жанашырлық танытуға, көмек көрсетуге, қолдау жасауға әрдайым дайын тұрады. Риясыз жақсылық жасау-биік адамгершіліктің белгісі. 

    Акцияға барлық  мектеп оқушылары, ұстаздар, ата – аналар да қатысты. Жиналған қаражатқа  27 оқушыға кеңсе заттары алынды. Оқушылар риза болып, алғыс  айтып, бір – біріне  жылы  тілектерін айтты.