29.12.2011 жыл

«Қош келдің, Ұлу жылы!»

 Қош  келдіңіз  бүгінгі 

 Жыл  кешімізге

 Жаңа табыс  тілейік  ісімізге

 Келе  жатқан 

 Жаңа жыл  құт  әкелсін.

Мына  отырған  барша жан бәрімізге

Қарағындыдағы №4 орта мектептің  Бастауыш сынып пән бірлестігі  оқушылар мен мұғалімдер қауымы үшін «Қош келдің, Ұлы жылы!» атты салтанатты Жаңа жыл кешін өткізді. Мереке бастауыш сынып оқушылары үшін әдеттегіден ерекше сипатта ұйымдастырылды.  Бастауыш сынып пән бірлестігінің жетекшісі Айбарша Хұрманханқызы бастаған мұғалімдер А. Ж. Смағулова, Р.А. Бакирова, Г.А. Жұманбаева, Н. Б. Жұнісбекова  думанды кешті қыздыруға барынша ат салысты.

   Айбарша  Хұрманханқызы мен 5ә сынып оқушысы Рустемова Ботакөз кешті көңілді жүргізіп, жиналғандарды ойын-күлкіге қарық қылды. Олар әуелі жасыл шыршаның жанына ұлттық киім киген ұл-қыздарды шақырды. Одан соң, ертегі кейіпкерлері бейнесіндегі оқушылар келіп қосылды. Бастауыш сынып мұғалімі Айбарша Хұрманханқызының ойластыруымен Жаңа жылды ұрлап кеткен ертегі кейіпкері сайтанды іздеген оқушылар қызықты оқиғаларға тап болды. Ниеті жаман кейіпкерді  сиқыршы шырағымен аластап, жамандықтын ғұмыры аз болатынын паш етті.

    Арнайы сценарий ойлап тауып,шәкерттерінің ықыласына бөленген ұстаздар оқушыларды өмірде талай ғажайыптар болатынына сендірді. №4 орта мектептің «Бастауыш сынып пән бірлстігініңі» жетекшісі Айбарша Хұрманханқызы шәкірттері үшін барын салатын, парасатты да білікті маман. Осы мәдени-саулық кешінде ашық-жарқын мінезі мен біліктігінің арқасында оқушыларды баурап алған Айбарша мұғалімге алғысымыз шексіз.

   Ұлпа қар мен үміттің үкісіндей Ұлу жылы құт әкелсін. Ұлу  терісі бір жылғы медеу болсын, Құрметті ұстаздар!