«Тіл-достықтың алтын көпірі» атты 22-қыркүйек ҚР-ның

тілдер мерекесіне  арналған іс-шаралардан репортаж  

Қазақ тілі мен музыка пәнініңмұғалімдері Г.М.Мадыханова, Ү.С.Бекшина жетекшілігімен 1-11 сыныптар аралығында ашылу салтанаты мектеп жиын залында өтті. 8-сыныптар арасында орыс тілі пәнінің мұғалімі Сакимова Л.К. «Ұлылар үндестігі» атты әдеби сайыс өткізіп,  оқушылар орыс халқы мен қазақ халқының ұлы тұлғаларын білетіндерін ортаға салып , Елбасы Н.Назарбаевтың көптілділік саясатын толық қолдаушы екендігін көрсете білді . Ағылшын тілі пәнінің мұғалімі А.Ж.Айткужина 6-сыныптар арасында «Полиглот» танымдық ойынын өткізді. Сонымен қатар «Тілім менің-таусылмайтын ырысым» атты қабырға газетінің байқауы, Қазақ тілі мен әдебиет пәнінің мұғалімі Н.Шүкірханның жетекшілігімен «Ана тілім, күмбірле сарайымда» атты көркем сөз оқу байқауын өткізіп, мұнда оқушылар ақын-жазушылардың тіл туралы жазған өлеңдерін және де өздерінің тіл мерекесіне тарту ретінде шығарған өлеңдерін оқыды. «Тіл-тәрбие бастауы» тақырыбымен әр сыныпта сынып сағаттары өткізілді.

Апталықтың соңында ӘБ мүшелері мен сынып жетекшілердің, оқушылардың, ата-аналардың ұйымдастыруымен «Тіл-достықтың алтын көпірі» ұлттар достығы фестивалімен ұласып, кеш соңында өтілген іс-шараларға белсене қатысқан сыныптар мен оқушыларға марапаттаулар берілді.